Билатералните односи меѓу Македонија и Бугарија не се поместуваат и покрај средбата на министрите за надворешни работи на двете земји во Софија на иницијатива на претседателката на Европската комисија Урсула фон дер Лајен.
„Позициите на Македонија и Бугарија во однос на прашањата поврзани со европската интеграција сè уште се многу далечни, но денешната средба со бугарската министерка за надворешни работи Велислава Петрова Чамова беше конструктивна и одржана во позитивен дух, при што е договорено дијалогот меѓу двете држави да продолжи по сите прашања од заеднички интерес – изјави Муцунски во Софија.
Тој оцени дека меѓу двете страни постои висок степен на недоверба во однос на процесот на европската интеграција на Македонија, пред сè, во поглед на неговата предвидливост.
Бугарската министерка за надворешни работи Велислава Петрова Чамова му порачала на Муцунски дека Македонија треба да го мени уставот и да ги исполни обврските од францускиот предлог од 2022-ра година за да отпочне евроинтеграцискиот процес на Македонија.
Бугарските медиуми пишуваат дека е „неразбирливо што Муцубски потенцирал дека Македонија бара доверба и гаранции во интеграцискиот процес, а самата не ги исполнува условите од она што е договорено.
Слични новости
Продолжува судењето за трагедијата во Кочани
Во судницата во „Идризово“ при Основниот кривичен суд Скопје денеска треба да продолжи судењето за пожарот во дискотеката „Пулс“ во Кочани, во кој загинаа 63 лица, а над 200 беа повредени. Случајот се наоѓа во доказна постапка и треба да продолжи со изведување на докази од одбраната.
Виш обвинител од Битола осомничен за примање поткуп
Во текот на вчерашниот ден, врз основа на судска наредба, беа извршени претреси во домот на осомничениот и во просториите на ВЈО Битола со цел обезбедување дополнителни докази.
ЕК предлага отварање на преговарачките кластери за земјите кандидати со квалификувано мнозинство
Предлогот за поинакво гласање не ја отстранува обврската Македонија да ги спроведе договорените уставни измени. Во заклучоците на Советот на ЕУ од јули 2022 година, одржувањето на следната меѓувладина конференција е врзано за исполнувањето на таа обврска, која го опфаќа и внесувањето на Бугарите во Уставот.