Примирјето во трговската војна меѓу Европската Унија и САД е повторно загрозено.. Ратификацијата на договорот во Европскиот парламент (ЕП) е ставена на чекање и неизвесно е кога ќе се најде на дневен ред и дали воопшто ќе биде одобрена, пишува „Политико“.
Ова следува по објавата на американскиот претседател Доналд Трамп дека воведува нови царини за осум држави на стариот континент кои испратија воен персонал на Гренланд и се противат на преземање на островот од Вашингтон.
Потврда дека ЕП нема да продолжи со ратификацијата на договорот дојде по промената на ставот на Европската народна партија (ЕПП).
Според нејзиниот претседател, Манфред Вебер, ескалацијата на тензиите значи дека Парламентот нема да гласа за пакт што би поставил американски тарифи за увоз од ЕУ на 15 проценти во замена за немање тарифи за американскиот извоз.
„ЕПП е за трговски договор меѓу ЕУ и САД, но со оглед на заканите на Доналд Трамп во врска со Гренланд, одобрувањето не е можно во оваа фаза“, напиша Вебер. „Тарифите од 0 проценти за американските производи мора да бидат ставени на чекање“.
Трамп објави дополнителни царини од 10 проценти за европските земји кои испратија мал контингент на воен персонал на Гренланд. Тој објави дека царината ќе се зголеми на 25 проценти од 1 јуни и ќе остане на сила „додека не се постигне договор за целосно купување на Гренланд“.
Членовите на Европскиот парламент нагласуваат дека ЕУ мора да се подготви за одговор.
Слични новости
Иран без клучен стратег во војната по убиството на Али Лариџани
Лариџани не беше воен командант, но играше централна улога во обликувањето на стратешките одлуки на Иран. Тој беше на чело на донесувањето одлуки за војната, дипломатијата и безбедноста, особено во односите со САД и Израел
Пад на цената на златото
Племенитите метали сеуште држат висока цена првенствено поради одржливата побарувачка за сигурни финансиски засолништа, кои се поттикнати од незивеноста што ја предизвика актуелната војна во Иран, пренесува Трејдинг економикс.
Годишната стапка на инфлација во Бугарија во февруари намали на 3,3 насто
Годишната стапка на инфлација во Бугарија падна на 3,3 насто во февруари, во однос на 3,5 насто колку што изнесуваше во јануари. Ова е најниско ниво на инфлација во Бугарија од декември 2024 и одговара на прелиминарните проценки, пренесе Трејдинг економикс.