Примирјето во трговската војна меѓу Европската Унија и САД е повторно загрозено.. Ратификацијата на договорот во Европскиот парламент (ЕП) е ставена на чекање и неизвесно е кога ќе се најде на дневен ред и дали воопшто ќе биде одобрена, пишува „Политико“.
Ова следува по објавата на американскиот претседател Доналд Трамп дека воведува нови царини за осум држави на стариот континент кои испратија воен персонал на Гренланд и се противат на преземање на островот од Вашингтон.
Потврда дека ЕП нема да продолжи со ратификацијата на договорот дојде по промената на ставот на Европската народна партија (ЕПП).
Според нејзиниот претседател, Манфред Вебер, ескалацијата на тензиите значи дека Парламентот нема да гласа за пакт што би поставил американски тарифи за увоз од ЕУ на 15 проценти во замена за немање тарифи за американскиот извоз.
„ЕПП е за трговски договор меѓу ЕУ и САД, но со оглед на заканите на Доналд Трамп во врска со Гренланд, одобрувањето не е можно во оваа фаза“, напиша Вебер. „Тарифите од 0 проценти за американските производи мора да бидат ставени на чекање“.
Трамп објави дополнителни царини од 10 проценти за европските земји кои испратија мал контингент на воен персонал на Гренланд. Тој објави дека царината ќе се зголеми на 25 проценти од 1 јуни и ќе остане на сила „додека не се постигне договор за целосно купување на Гренланд“.
Членовите на Европскиот парламент нагласуваат дека ЕУ мора да се подготви за одговор.
Слични новости
По осум години, ЕУ и Австралија со договор за слободна трговија
По осум години преговори, Европската Унија и Австралија ги финализираа разговорите за договор за слободна трговија, што отвора ново поглавје во економските односи меѓу Брисел и Канбера.
Цената на нафтата откако синоќа падна, денеска повторно надмина 100 долари за барел
Раст на цената на нафтата уследи откако вчера се намали за 10 отсто по одлуката на американскиот претседател Доналд Трамп да ги одложи нападите врз Иран и најави разговори со Техеран.
Претседателот на иранскиот парламент негира дека Иран преговара со САД за прекин на војната
Претседателот на иранскиот парламент Калибаф негираше дека Иран преговара со САД за прекин на војната и ја отфрли реториката на Трамп како прикриен обид за манипулирање со немирните глобални пазари.