Кипар ја зајакнува својата одбрана откако Франција најави испраќање фрегата, противракетни и анти-дрон системи, додека Грција веќе распореди четири борбени авиони Ф-16 и две фрегати кон островот.
Кипарските медиуми пренесоа дека одлуката на Париз да ја зајакне безбедноста на Кипар следува по телефонските разговори меѓу кипарскиот претседател Никос Христодулидис и францускиот претседател Емануел Макрон.
Грчкиот министер за одбрана Никос Дендиас соопшти дека четири авиони Ф-16 на грчкото воено воздухопловство веќе слетале на Кипар како дел од „превентивните мерки“ и засилената соработка меѓу двете држави.
Две грчки фрегати се на пат кон островот, додека се очекува дополнителна координација меѓу европските партнери. Кипар побарал поддршка и од Германија, а официјална одлука од Берлин се очекува во наредниот период.
Слични новости
Нападнат аеродромот во Кувајт, во Дубаи и Катар евакуации на финансиските компании
Меѓународниот аеродром во Кувајт денеска беше цел на напад на повеќе беспилотни летала. Властите во Кувајт соопштија дека е причинета материјална штета на аеродромот, но дека во нападот немало жртви.
Нови ирански напади врз американските бази во Катар, Кувајт и Ирак, погодени и товарни бродови во Ормутскиот теснец
Како што соопшти официјален Техеран, бил покренат и „масовен ракетен напад“ врз американската Пета флота во регионот и дека станува збор за најразурнувачкиот напад од почетокот на војната.
Американската војска тврди дека уништи 16 ирански бродови кои поставувале мини во Ормутскиот теснец, за што објави снимки
Американската војска тврди дека нападнала и уништила 16 ирански бродови за поставување мини во близина на Ормускиот теснец, откако се појавија извештаи дека Иран почнал да поставува експлозивни направи во овој стратешки важен поморски пат.