Почина Џун Локхарт, актерка во ТВ сериите „Леси“ и „Изгубени во вселената“

„Изгубени во вселената“, која се емитуваше во годините што доведоа до првото слетување на Месечината во 1969 година, е адаптација со вселенска тематика на романот за бродоломец „Швајцарското семејство Робинсон“: семејство е испратено од Земјата да колонизира далечна планета, но слеп патник го исфрла вселенското летало од курсот.

Облечена во сребрен вселенски костум, Локхарт ја играше сопругата на командантот на мисијата, игран од Гај Вилијамс, чии три деца, играни од Били Мами, Анџела Картрајт и Марта Кристен, се приклучуваат на патувањето.

Серијата започна како сериозна научно-фантастична авантура, но стана поблесава во втората и третата сезона, фокусирајќи се на младиот Вил Робинсон, кловновскиот скитник д-р Смит (Џонатан Харис) и популарниот робот од серијата. При првиот знак на проблеми, роботот ќе извикаше: „Опасност, Вил Робинсон!“

Локхарт со љубов се сеќаваше на една налудничава епизода од 1968 година наречена „Големиот бунт на зеленчукот“, во која се прикажуваше злобен морков кој планира да претвори семејство во растенија.

„’Бунтот на зеленчукот’ е дефинитивно мојот омилен бидејќи се смеевме толку многу за време на целото снимањеџ. Всушност, Гај и јас се смеевме толку многу што моравме да правиме кадар по кадар, што на Ирвин не му се допадна. Па затоа нè исфрли од следните две епизоди како казна. Ни платија, но не бевме во нив“, Chicago Sun-Times.

Локхарт е родена во Њујорк на 25 јуни 1925 година. Нејзините родители биле актери – нејзиниот татко, Џин Локхарт, е најдобро запаметен како судија во празничниот класик од 1947 година „Чудо на 34-та улица“ – а нејзиното филмско деби го имала на 12-годишна возраст заедно со нив во верзијата од 1938 година на „Божикни сказни“.

Како млада актерка, таа играла споредни улоги во големи филмови, вклучувајќи го и филмот на Џуди Гарланд од 1944 година „Сретнни ме во Сент Луис“, еден од водечките мјузикли на деценијата, и главни улоги во Б-филмови како што е „Лондонски волчици“ (1946).

Таа ја освои наградата Тони во 1948 година за нејзината изведба во бродвејската претстава „За љубов или пари“, а подоцна беше номинирана за две награди Еми.

Локхарт, вселенски ентузијаст кој присуствувал на лансирањата на вселенските шатли на NASA, открил дека, и покрај сите гумени чудовишта и нереални заплети, „Изгубени во вселената“ ги инспирирал идните астронаути.

„Поминувам многу време во NASA…. со астронаути… и мажи, или жени, ми кажуваат дека гледањето на ‘Изгубени во вселената’ ги натерало да знаат што сакаат да прават кога ќе пораснат. Па, кога сум таму долу, се разбира, ме третираат како војвотка. Прекрасно е“, изјави таа за весникот Record во Њу Џерси во 2002 година,

Откако се појави во квиз-шоу во 1950-те со членови на новинарскиот пул на Белата куќа, таа доби отворена покана да присуствува на прес-конференции во Белата куќа, што го правеше многу години.