Почина Шкотската модна дизајнерка и музичарка Пам Хог, позната по својот панк-рок стил и екстравагантните облеки што ги обожаваат познатите личности, објави нејзиното семејство на социјалните мрежи.
„Со длабоко жалење објавуваме дека нашата сакана Памела почина“, објави семејството заедно со фотографија од дизајнерката во еден од нејзините препознатливи бело-златни комплети, со платинеста коса и нејзиниот препознатлив црвен кармин.
„Креативниот дух и работата на Памела допреа толку многу луѓе, а таа остава зад себе прекрасно наследство кое ќе продолжи да инспирира, да нè радува и да нè охрабрува да живееме надвор од конвенциите“, се додава во соопштението.
Голем број познати личности ѝ оддадоа почит на Пам Хог на социјалните мрежи, вклучувајќи ги актерките Роуз Мекгован и Патриша Аркет, кои ја нарекоа „меѓуѕвезден дијамант“, и рок-групата Blondie.
Без да ја открие причината за нејзината смрт, нејзиното семејство им се заблагодари на персоналот во нејзиниот дом за стари лица во источен Лондон, каде што беше опкружена со „драги пријатели и семејство“ во текот на нејзините последни денови.
Семејството, исто така, не ја објави нејзината возраст, за која дизајнерката отсекогаш остануваше енигматична, а која The Guardian ја проценува на 66 години.
Родена во Пејсли, шкотски град познат по својата текстилна традиција, Пам Хог студирала на Уметничкото училиште во Глазгов, а потоа на Кралскиот колеџ за уметност во Лондон. Таа ја претстави својата прва колекција наречена „Psychodelic Jungle“, во 1981 година.
Често споредувана со Вивиен Вествуд поради нејзината панк-рок естетика, таа беше икона на Неделата на модата во Лондон со нејзиниот футуристички изглед, смели фризури и ексцентрични облеки, облекувајќи ѕвезди како Ријана, Бијонсе, Кејт Мос и Лејди Гага.
Едно од препознатливите парчиња на оваа дизајнерка, која комбинираше иронија, феминизам и контракултура во своите ревии, беше тесниот комбинезон, како оној што го носеше Кајли Миног во музичкото видео „2 Hearts“ (2007), во црна верзија со нитни.
Пам Хог, страсна музичарка, свиреше во бројни бендови, вклучувајќи ги Rubbish, кои беа предгрупа на The Pogues кон крајот на 1970-те, The Garden of Eden и Doll, кои ја придружуваа и настапуваа со Деби Хари, главниот вокал на бендот Blondie, во 1990-те.
Слични новости
Рибниот фонд на Медитеранот и Црното море се опоравува
Нивото на прекумерно ловење риба падна за 50 насто од 2013 година, додека уделот на рибни видови кои се ловат е двојно зголемен, благодарение на повнимателното управување со риболовот.
Зоотопиа 2 со фантастичен старт на празничниот Бокс Офис за денот на благодарноста
Анимираниот семеен филм „Зоотопиа 2„ на студиото Волт Дизни на Денот на благодарноста во средата заработи 39,5 милиони долари во САД, а се очекува за време на петдневниот празничен период до недела, филмот да заработи над 140 милиони долари на кино благајните во САД.
Аманда Лир на новиот албум првпат ќе пее на француски
Иако во 2016 година објави дека „се повлекува од шоу-бизнисот“, наведувајќи го „заморот од естрадата“ како причина, се чини дека за Аманда Лир таа одлука е минато, бидејќи, по неколкуте успешни театарски и неколку филмски улоги, виталната 79-годишна пејачка и актерка одлучи да се врати на пеењето со својот 23-ти студиски албум, нејзин прв на француски јазик