Сер Том Стопард, еден од најпознатите британски драматурзи, почина на 88 години, соопштија неговите агенти.
Сер Том, кој освои Оскар и Златен глобус за сценариото за „Вљубениот Шекспир“, „почина мирно во својот дом во Дорсет, опкружен со своето семејство“.
Негови други значајни дела се „Вистинската работа“ и „Розенкранц и Гилденстерн се мртви“, кој и го режираше.
„Ќе биде запаметен по своите дела, нивниот гениј и човечност, по неговата духовитост, неговиот великодушен дух и неговата длабока љубов кон англискиот јазик…. Претставуваше чест да соработуваме со Том и да го познаваме“, соопшти агенцијата на Стопард, United Agents.
Кариерата на Стопард се протегаше на сцената, екранот и радиото, и ја покажува неговата жед за занимавање со сè, од математика до дадаистичка уметност и градинарство.
Во 1997 година, беше прогласен за витез за неговиот придонес во театарот.
Неговата најнова претстава „Леополдштат“, првпат изведена во 2020 година, ја следи приказната за еврејско семејство во Виена инспирирано од неговата сопствена историја.
Стопард е роден како Томас Штрауслер во 1937 година во тогашна Чехословачка, и како еврејско семејство тие избегале од нацистите и на крајот се населиле во Британија.
Слични новости
Семејството на Брус Вилис објави дека по неговата смрт ќе го донира неговиот мозок за науката
Семејството на Брус Вилис објави дека по смртта на славниот актер ќе го донира неговиот мозок во научни цели, со цел да се проучува фронтотемпоралната деменција од која боледува глумецот.
Лијам Галагер: Европа ми е омилена земја
Галагер најави дека негова божиќна жеба е европска турнеја. Континентнална Европа не беше опфатена со турнејата на „Оазис“ во 2025. Галагер рече дека е одушевен од идејата бендот да свири ширум Европа и дека тоа ќе биде библиски.
Рибниот фонд на Медитеранот и Црното море се опоравува
Нивото на прекумерно ловење риба падна за 50 насто од 2013 година, додека уделот на рибни видови кои се ловат е двојно зголемен, благодарение на повнимателното управување со риболовот.