Сер Том Стопард, еден од најпознатите британски драматурзи, почина на 88 години, соопштија неговите агенти.
Сер Том, кој освои Оскар и Златен глобус за сценариото за „Вљубениот Шекспир“, „почина мирно во својот дом во Дорсет, опкружен со своето семејство“.
Негови други значајни дела се „Вистинската работа“ и „Розенкранц и Гилденстерн се мртви“, кој и го режираше.
„Ќе биде запаметен по своите дела, нивниот гениј и човечност, по неговата духовитост, неговиот великодушен дух и неговата длабока љубов кон англискиот јазик…. Претставуваше чест да соработуваме со Том и да го познаваме“, соопшти агенцијата на Стопард, United Agents.
Кариерата на Стопард се протегаше на сцената, екранот и радиото, и ја покажува неговата жед за занимавање со сè, од математика до дадаистичка уметност и градинарство.
Во 1997 година, беше прогласен за витез за неговиот придонес во театарот.
Неговата најнова претстава „Леополдштат“, првпат изведена во 2020 година, ја следи приказната за еврејско семејство во Виена инспирирано од неговата сопствена историја.
Стопард е роден како Томас Штрауслер во 1937 година во тогашна Чехословачка, и како еврејско семејство тие избегале од нацистите и на крајот се населиле во Британија.
Слични новости
Основачот на швајцарската група за право на смрт почина со асистирано самоубиство
Шефот на швајцарската организација за право на смрт Dignatis почина со потпомогнато самоубиство, соопшти групата во неделата
Австралискиот премиер Ентони Албаниз се ожени на приватна церемонија
Австралискиот премиер Ентони Албаниз се ожени со својата партнерка со која е во врска пет години, Џоди Хејдон, на приватна церемонија во The Lodgeu, официјалната резиденција на премиерот во Канбера
Финансиерите барале од Скарлет Јохансон да не снима филм за холокаустот
Еден месец пред почетокот на снимањето ја контактирале финансиерите на филмот кои и порачале дека не им се допаѓа сценариото во која главната протагонистка на филмот, Еврејка, лажно тврди дека била жртва на Холокаустот и ја прашале дали може да ја смени темата.