Американскиот архитект Френк Гери, кој стана суперѕвезда во светот на архитектурата со своите смели и необични креации со накривени кули и големи плочи од истегнат метал почина во петок на 97-годишна возраст.
Шефицата на неговиот кабинет, Меган Лојд, ја потврди неговата смрт во е-пошта до Reuters, пишувајќи дека починал „рано утрово во својот дом во Санта Моника по кратка респираторна болест“.
Највпечатливите и најбунтовни креации на Гери се прогласени за генијални дела, но исто така се критикувани како себични неуспеси.
До средината на 1980-те, Гери привлече меѓународно внимание со згради обложени со не’рѓосувачки челик или алуминиум кои изгледаа како да се виткаат или нишаат, уривајќи ги архитектонските конвенции.
Во 2010 година, панел од експерти составен од магазинот Vanity Fair го оцени Музејот во Билбао како најважно архитектонско дело од 1980 година. Познатиот архитект Филип Џонсон го нарече „најголемата зграда на нашето време“, а Гери „најголемиот архитект што го имаме“.
Во март 2015 година, кампусот на Facebook во Менло Парк, во Калифорнија, беше отворен со масивни нови згради дизајнирани од Гери. Тој, исто така, го дизајнираше музејот „La Fondation Louis Vuitton“ во Париз во 2014 година.
Неговите критичари го обвинија дека ја пренебрегнува функцијата за формата. Тој го игнорираше тоа, велејќи за разговроот за весникот The New Yorker во 2007 година: „Барем гледаат!“.
Во 1989 година, Гери ја освои Прицкеровата награда, најпрестижната награда во архитектурата.
Гери е еден од најголемите современи архитекти, пионер на деконструктивизмот. Во 1989 година ја освои Прицкеровата награда за архитектура. Гери е автор на некои од најпознатите примери на деконструктивистичка архитектура: Музејот „Гугенхајм“ во Билбао (1997), Концертната сала „Волт Дизни“ во Лос Анџелес (2003) и „Куќата која танцува“ во Прага (1995), „Experience Music Project“ во Сиетл и резиденцијалната куло на „Street Spruce 8“ на њујоршки Менхетен.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.