Мишел Кристин Трактенберг, американска актерка позната по улогите во телевизиските серии „Бафи убиецот на вампирите“ и „Озборувачка“, почина во средата на 39-годишна возраст, објави нејзиниот тим за односи со јавноста.
„Со голема тага потврдуваме дека Мишел Трактенберг почина. Семејството бара приватност во овој тежок период. Засега нема дополнителни детали“, се вели во соопштението.
Причината за нејзината смрт сѐ уште не е позната, но полицијата соопшти дека не станува збор за сомнителна смрт.
Актерката е родена на 11. октомври 1985 година во Њујорк во семејство на еврејски имигранти.
Трактенберг почнала да се појавува во реклами уште како дете, кога имала три години, а нејзиното телевизиско деби беше во серијата „Авантурите на Пит и Пит“ ба Nickelodeon во 1994 година.
На 10-годишна возраст ја добива првата главна улога во филмот „Малиот голем шпион“ во 1996 година.
Имаше улоги во неколку продукции на Nickelodeon, што доведе до нејзината улога во комедијата „Луд помин во Европа“ во 2004 година, кога беше во раните дваесетти години.
Потоа дојдоа улогите по кои е најпозната, вклучувајќи го ликот Даун Самерс во серијата „Бавфи, убиец на вампири“ во 2000 година и како Џорџина Спаркс во телевизиската серија „Озборувачка“ во 2007 година.
Трактенберг се појави и во музичките спотови за емо-рок бендот Fall Out Boy за песната „This Ain’t a Scene, It’s an Arms Race“ и видеото за „Tired of Being Sorry“ од Ringside во режија на Хоакин Феникс.
Слични новости
Филмот „Мики 17“ на врвот на бокс офисот во Северна Америка
„Мики 17“, новиот филм на јужнокорејскиот режисер Бонг Џун-хо, кој го освои Оскар за најдобар филм со „Паразит“ во 2020 година, е водечки во северноамериканскиот бокс офис овој викенд, според проценките објавени во неделата од специјализираната фирма Exhibitor Relation
Дрогата ја предизвика смртта на Лијам Пејн, вели близок пријател
Дрогата била главната причина за смртта на поранешната ѕвезда на One Direction, Лиам Пејн, според близок пријател кој минатиот месец беше ослободен од обвиненијата за вмешаност во смртта на пејачот
Џон Гудман се повреди на снимањето на филмот на Александро Инариту
Филмот што Инариту го снима за студијата Ворнер Брос и Леџендари е првиот што Инариту го снима на англиски јазик по Оскаровецот „Ревенант“. Главната улога во филмот ја толкува Том Круз.