Минималната синдикална кошничка повторно порасна. Во февруари, за основните трошоци на едно четиричлено семејство биле потребни 67382 денари, речиси илјада повеќе од јануари. Според пресметките на Сојузот на синдикатите на Македонија, растот за само еден месец изнесува 969 денари.
Ако семејството живее под кирија во стан од 60 квадрати, месечните минимални трошоци се искачуваат на 82.757 денари. Првиот човек на ССМ Слободан Трендафилов вели дека поскапувањата се многу поголеми од најавеното усогласување на платите.
Според синдикалните пресметки, најголем дел од ударот доаѓа од храната и пијалаците, за кои во февруари биле потребни 25.156 денари, односно речиси илјада денари повеќе од претходниот месец.
Вкупната кошничка во однос на лани во февруари е повисока за 3.609 денари, а во споредба со 2022 година, за повеќе од 30 илјади денари. Токму храната и пијалаците се категоријата во која и Државниот завод за статистика измери поскапување од 5,2 проценти на годишно ниво.
Поради ова, Трендафилов повторно ја повика власта да изгласа 600 евра минималец и по 100 евра плус за останатите плати. Опозицискиот СДСМ поднесе речиси идентичен закон во Собранието.
Премиерот Христијан Мицкоски порача дека очекува инфлацијата во наредните месеци да се движи под три проценти и дека трендот е сличен како во повеќето земји од регионот.
Слични новости
Обвинителството нареди обдукција на телата по несреќата во Карпош
Основното јавно обвинителство Скопје нареди обдукција на телата на мајката и малолетната ќерка кои починаа по пад од висококатница во скопската населба Карпош.
Генералниот секретар на НАТО Марк Руте денеска во посета на Македонија
Генералниот секретар на НАТО ќе има средба со премиерот Христијан Мицкоски, како и со претседателот на Собранието, Африм Гаши, по што ќе се обрати пред пратениците во законодавниот дом.
Месец Март ќе донесе рана пролет во Македонија
Мартската прогноза за Македонија најавува порано чувство на пролет, со температури над просекот, повеќе сончеви периоди и претежно постабилно време