Цената на природниот гас во Европа од почетокот на годинава порасна за 171 отсто. Фјучерсите за гас на берзите се продаваат за 76,36 евра за мегават-час. Растот доаѓа непосредно пред почетокот на зимската сезона, кога потрошувачката во Европа нагло се зголемува.
Поскапувањето веќе е проблем и за Македонија. РКЕ предупреди дека земјата може да ја очекува „турбулентна грејна сезона“ доколку високите берзански цени се задржат.
Кога во јули се пресметувала новата цена на парното, природниот гас бил калкулиран по околу 40 евра за мегават-час. Денес берзанските цени се движат над 70 евра, а во одредени периоди достигнувале и околу 80 евра.
Тоа значи дека парното, кое од 1 август веќе поскапе во просек за 5,96 отсто за корисниците на системот на ЕСМ, е пресметано со значително пониска цена на гасот од сегашната.
Слични новости
Марта Кос за БНТ: Владата во Северна Македонија мора да го одржи своето ветување, тие мора да го променат својот устав
Македонија треба да ги направи уставните измени со кои Бугарите ќе бидат внесени во Уставот, како услов за продолжување на евроинтегративниот процес, ова го изјави Еврокомесраката за проширување Марта Кос во интервју за бугарскиот БНТ .
Работните спорови ја чинеле државата 64 милиони евра
Речиси половина од средствата се однесуваат на камати, трошоци на парнична постапка и извршни трошоци. Ревизијата покажала дека бројот на активни предмети значително се зголемил – од 9.361 во 2021 година на 24.556 во 2025 година.
Евростат: Младите во Македонија остануваат во домовите на родителите до 30,7 години, а во ЕУ си заминуваат на 26,3 години
Податоците на „Евростат“ покажуваат дека младите во Македонија го напуштаат родителскиот дом на возраст од 30,7 години, за разлика од младите во ЕУ кои си заминуваат на 26,3 години.