Поранешниот министер за безбедност на Босна и Херцеговина, Драган Мектиќ, бил нападнат и претепан од непознати напаѓачи пред неговата куќа во градот Прњавор, соопшти Мектиќ.
Нападот се случил синоќа околу 21 часот и случајот е пријавен во полиција која трага по сторителите. Истражниот судија нападот го оквалификува како кривично дело телесна повреда.
Мектиќ за порталот Кликс изјави дека напаѓачите биле маскирани и го пресретнале на влезот од зградата во која живее.
Мектиќ, вели, се враќал од вечера со семејството. Тој нагласува дека нема апсолутно никакви проблеми со никого, ниту пак добивал закани.
„Забележав возило како ми се ‘лепи’, а потоа ме претекнува на остра кривина. Ми се виде малку чудно. Кога стигнав пред зградата и го паркирав автомобилот, се упатив кон влезот и ме сретнаа две маскирани лица со ‘фантомки’“, објаснува Мектиќ.
Тој вели дека веднаш го нападнале и почнале да го удираат со тупаници по главата. Кога паднал на подот, продолжиле да го удираат.
Носев чанта и мислев дека сакаат да ме ограбат, но ништо не зедоа. По нападот побегнаа, додаде тој.
Полицијата сега извлекува снимки од надзорните камери од поширокото подрачје со цел да го идентификува напаѓачот.
Дежурниот обвинител нападот врз Мектиќ го оквалификува како кривично дело телесна повреда и нареди понатамошна истрага.
Слични новости
Додик не се откажува, прави планови за блокирање на владините тела на БиХ
Лидерот на босанските Срби, Милорад Додик, започна кампања со цел да ги убеди сите Срби вработени во владините тела на Босна и Херцеговија да ги напуштат своите работни места, ветувајќи им дека во тој случај ќе им најде работа и ќе им даде повисоки плати
Отворен тестаментот на архиепископот Анастасиос, заштедата ѝ ја оставил на Албанската православна црква
По одржаниот четириесетдневен помен по неговата смрт, Синодот на Албанската автокефална црква го отвори тестамент на архиепископот Анастасиос Јанулатос
Во судири ексалираа протестите во Атина поради смртоносната железничка несреќа
Судири избувнаа во петокот во Атина кога стотици илјади луѓе се собраа ширум Грција за да побараат правда на втората годишнина од најсмртоносната железничка несреќа во историјата на земјата, а штрајковите на вработените во воздушниот, поморскиот и железничкиот транспорт ја парализираат земјата