Алексеј Бугаев, поранешен фудбалски репрезентативец на Русија, кој играше на Евро 2004 година, загинал на фронтот во Украина, пренесуваат во неделата руските медиуми повикувајќи се на неговиот татко и агентот.
„За жал, веста за смртта на Алексеј е вистинита. Тоа се случило денеска“, го цитира агенцијата ТАСС таткото на играчот Иван Бугаев.
Новинската агенција РИА го цитираше агентот на Бугаев, Антон Смирнов, кој рече дека интензивните борби го оневозможиле извлекувањето на телото на Бугаев за погреб.
Четириесет итригодишниот Бугаев одигра два натпревара за руската репрезентација на Европското првенство во 2004 година, а играше и за московските тимови Торпедо и Локомотив, а настапуваше и за други екипи надвор од престолнината. Кариерата ја заврши во 2010 година на 29 години.
Во септември Бугаев беше осуден од судот во јужна Русија на девет ипол години затвор под обвинение за трговија со дрога. Тој подоцна ја објави својата намера да се пријави да се бори во војната во Украина.
Слични новости
Марадона починал во агонија, изјави на судењето форензички експерт
Славниот аргентински фудбалер Диего Армандо Марадона починал во агонија од пулмонален едем и болест на срцевиот мускул, изјави медицински експерт на судењето во Буенос Аирес
Кошркарот на Далас Кајри Ирвинг успешно опериран
Ирвинг се повреди на 3 март за време на првата четвртина од натпреварот во НБА против Сакраменто и ги скина предните лигаменти на левото колено. Оваа сезона во НБА лигата имаше просек од 24,7 поени, 4,8 скока и 4,6 асистенции по натпревар.
Џесика Пегула и Арина Сабаленка во женското финале на Мастерсот во Мајами
Американската тенисерка Џесика Пегула се пласираше во финалето на Мастерсот во Мајами откако утринава во полуфиналето ја победи Филипинката Александра Ијала со 2:1 во сетови ( 7:7, 5:7, 6:3). Пегула која е четврта тенисерка на светот се намачи во меч што траеше два и пол часа против Филипинката Ијала која е 140 -та на ВТА листата.