Поранешниот фудбалски репрезентативец на Белгија, Раџа Наинголан е уапсен во понеделникот како дел од истрагата за шверц на кокаин преку пристаништето Антверпен, соопшти бриселското јавно обвинителство.
Во понеделникот наутро, полицијата спроведе околу триесет претреси во и во околината Антверпен, како и во Брисел и на периферијата на главниот град. Уапсени се неколку осомничени, меѓу кои и еден по име „Р.Н.“, се вели во соопштението за медиумите.
Кога го контактирала агенцијата AFP, портпаролот на јавното обвинителство потврдил дека осомничениот е 36-годишниот Раџа Наинголан, фудбалер кој минатата седмица повторно ја активираше својата играчка кариера.
Истрагата, предводена од истражен судија од Брисел, „се однесува на наводниот увоз на кокаин од Јужна Америка во Европа преку пристаништето Антверпен и негова прераспределба во Белгија“, се наведува во соопштението за печатот.
Бројот на уапсените осомничени не е наведен. Обвинителството вети дека ќе даде подетално соопштение „по завршување на распитот на осомничените“.
Наинголан, роден во Антверпен, е поранешен белгиски репрезентативец, кој забележа 30 настапи за „црвените ѓаволи“ и постигна шест гола. Поголемиот дел од својата фудбалска кариера го помина играјќи за италијански клубови, вклучувајќи ги Рома и Интер.
Од минатото лето, откако помина една сезона во индонезиската професионална лига, Наинголан е надвор од терените, но минатата недела потпиша петмесечен договор со белгискиот второлигаш Локерен и во првиот настап, на мечот одигран пред три дена, погоди против Лирс за конечните 1:1.
По враќањето од Италија во Белгија во Ројал Антверпен во летото 2021 година, ексцентричниот играч од средниот ред со бројни тетоважи се раздели со клубот од Антверпен на почетокот на 2023 година поради лошо однесување. Тој беше суспендиран неколку месеци претходно, откако беше фатен како пуши електронска цигара на клупата за резервни играчи, објавија белгиските медиуми.
Слични новости
Фокс разменет во Спарс, ЛаВин оди во Кингс
Голема размена се случи во американската професионална кошаркарска НБА лига, во која учествуваа три клуба, а беа разменети седум играчи и уште седум избори на драфтот, а најголемото име што го промени клубот беше „Ол-стар“ бекот Де’Арон Фокс, кој премина од Сакраменто Кингс во Сан Антонио Спарс
Лука Дончиќ допатува во Лос Анџелес и порача дека доаѓа за да освојува титули
Лејкерс денеска му посакаа добредојде на Дончиќ, кој рече дека кошарката му значи се, без оглед каде игра. „Ќе играм со истата радост, истата страст и истата цел – да освојувам титули“ им порача Дончиќ на навивачите на Лејкерс.
Далас тешко настрада во првиот меч по трејдот на Дончиќ, голем пресврт на Бостон
Далас Маверикс, ден откако објавија дека го размениле Лука Дончиќ за Ентони Дејвис, претрпеа тежок пораз на гостински терен од првиот тим во лигата Кливленд Кавалирс