Поради војната на Блискиот исток економистите очекуваат повисока инфлација и побавен раст во САД

Економистите очекуваат повисока инфлација и побавен економски раст на САД поради војната на Блискиот исток.

Според проценките на експертите за агенцијата Блумберг, индексот на лична потрошувачка кој за американските Федерални резерви е клучен показател на инфлацијата, би требало да изнесува 3,1 насто во 2026, што е зголемување во однос на претходната проекција која изнесуваше 2,6 насто.

Освен тоа, проекциите за економскиот раст на САД се намалени и сега проценката е дека растот на БДП-то во САД ќе изнесува 2,3 проценти, со послаба лична потрошувачка и побавен раст на вработувањата во првата половина од 2026.