Селекторот на полската фудбалска репрезентација, Михал Пробјеж, во четврток објави дека поднесува оставка од својата позиција „за доброто на тимот“.
Оваа ненадејна оставка дојде по избувнувањето на отворениот конфликт меѓу Пробјеж и полскиот напаѓач Роберт Левандовски, како и по поразот (1:2) на гости кај Финска во вторникот.
„Дојдов до заклучок дека во сегашната ситуација најдобрата одлука за доброто на тимот е мојата оставка како тренер“, напиша Пробјеж на X, заблагодарувајќи им се на своите колеги, играчи, навивачи и на националниот тим.
Во неделата Пробјеж му ја одзеде капитенската лента на Роберт Левандовски, ѕвездата на полската репрезентација и Барселона.
Кратко потоа, Левандовски го објави своето повлекување од националниот тим додека Пробјеж ја води селекцијата.
Триесет ишестгодишниот напаѓач има 158 настапи за Полска од своето деби во 2008 година, постигнувајќи 85 гола. Тој е капитен на тимот од 2014 година.
Затоа Левандовски не учествуваше во квалификацискиот натпревар за Светското првенство 2026 година против Финска во Хелсинки. Според полската новинска агенција PAP, играчот побарал изземање од оваа меѓународен термин, официјално заради одмор.
Пробјеж, кој е тренер на „бело-црвените“ од 20 септември 2023 година, го предводеше националниот тим во 21 натпревар. Неговиот резултат е девет победи, пет нерешени и седум порази.
Слични новости
Буфон потврди дека Џенаро Гатузо е нов селектор на фудбалската репрезентација на Италија
Гатузо е новиот селектор на италијанската репрезентација. Донесовме најдобра одлука, изјави директорот на италијанската фудбалска репрезентација Џанлуиџи Буфон за италијанските новинари.
Почнува светското првенство за клубови во фудбал
Наградниот фонд изнесува една милијарда евра, а ФИФА смета дека ова е почетокот на нешто револуционерно, како што беше почетокот на Светските првенства за репрезентации во 1930 во Уругвај.
Гардијан: Мачестер Сити сака да го продаде Грилиш за 50 милиони фунти
Сити сака да добие околу 50 милиони фунти од продажбата на 29-годишниот Британец, но засега нема понуди за играчот од средниот ред. Се разгледува и позајмица. Интерес за играчот претходно објавија Наполи, Евертон и Баер.