Полска е во преговори за зголемување на увозот на течен природен гас (LNG) од САД за снабдување на Украина и Словачка, со што дополнително ќе се зајакнат врските на Европската унија со американските производители на енергија, изјавиле за Reuters два извора запознаени со разговорите.
„Работиме со нашите партнери – Американците, Словаците, Украинците – за можностите за увоз на американски гас за зголемување на енергетската безбедност на нашиот регион“, изјавиле за Reuters доцна ноќта во средата од полското Министерство за енергетика, потврдувајќи ги разговорите.
Се очекува официјалните лица да издадат заедничка декларација за зголемување на увозот откако вклучените страни ќе се сретнат на трансатлантската конференција за енергетија во Атина подоцна оваа седмица, според еден од соговорниците на агенцијата.
„Потоа ќе има разговори за условите за испорака на Словачка“, изјавил изворот за Reuters.
Потенцијалните количества треба да се испорачаат на југ преку Полска би можеле да достигнат и до четири до пет милијарди кубни метри гас годишно, приближно еднакво на годишната потрошувачка на гас во Словачка, рекле изворите.
Се очекува ова да биде најновиот во серијата енергетски договори постигнати меѓу европските и американските владини претставници и компании по притисокот од Вашингтон за зголемување на извозот на американски гас и нуклеарна технологија во Европа.
Европската унија во октомври откри нови планови за прекин на снабдувањето со руска нафта и гас, со нов пакет санкции што го забранува увозот на руски течен природен гас (LNG) од 2027 година.
Некои членки на ЕУ сè уште купуваат руски енергенси, а воедно ја поддржуваат Украина во нејзината војна. Словачка и Унгарија се обидуваат да балансираат во својот статус на сојузници на Вашингтон со нивниот увоз на руски енергенси, што предизвика критики од американскиот претседател Доналд Трамп.
Министерот за енергетика на САД, Крис Рајт, им испрати на европските министри приватно во септември „многу силна порака за сигурноста на САД како енергетски партнер и интересот на САД за поголема соработка со Европа“, рекол за Reuters поранешен дипломат.
Истиот месец, американскиот министер за внатрешни работи, Даг Бургум, се сретна со италијанскиот министер за енергетика и вети дека ќе ги продлабочи врските со зголемување на продажбата на американски течен природен гас. Набрзо италијанската компанија „Edison“ потпиша 15-годишен договор за снабдување со течен природен гас.
Потоа Рајт се сретна со полските и словачките претставници во Виена. Словачка потпиша договор со САД на 7-ми октомври за нова нуклеарна централа.
Потрошувачката на течен природен гас во Европската унија достигна историски нивоа оваа година, при што САД моментално снабдуваат околу 55 отсто од европската потрошувачка, во споредба со 27 отсто во 2021 година. Целосната замена на увозот на руски гас со американски течен природен гас би го зголемила тој удел на повеќе од 80 отсто, според пресметките на Reuters во кои сепак не се дадени разликите во исплатите на рускиот гас преку цевководи и американскиот LNG кој се испорачува со бродови и на специјални терминали кои забрзано се градат во европските земји.
Слични новости
Швајцарските компании ги неутрализираат американските царини со селење на производството
Швајцарските компании планираат да преместат дел од своите операции и производство во странство за да го ублажат влијанието на американските царини, според анкета на деловната асоцијација economysuisse
Производството на чај во Индија опадна во октомври
Производството на чај во Индија опадна во октомври поради неповолните временски услови во државата Асам
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена