Полицијата врши претреси на повеќе од 10 локации во Скопје, Тетово и Куманово во рамки на истрага за сомневања за финансиски криминал поврзан со приватна здравствена установа и вработени во Фондот за здравствено осигурување.
Според неофицијални информации, станува збор за позната компанија од приватниот здравствен сектор, која во Скопје има три болници.
Во истрагата, според првичните информации, се опфатени одговорни лица од приватната здравствена установа, како и поранешни и актуелни функционери и вработени во Фондот за здравствено осигурување.
Се испитуваат сомневања за злоупотреба на службената положба и овластување, несовесно работење во службата, измама и перење пари.
Штетата врз буџетот се проценува на над 1,5 милиони евра, додека противправно стекнатата материјална корист за болницата на околу четири милиони евра.
Меѓу осомничените е и Ден Дончев, поранешен директор на Фондот за здравствено осигурување.
Слични новости
Гужва пред српската, празно пред бугарската амбасада – различен интерес за гласањето во Скопје
Празно пред бугарската амбасада, гужва пред српската. Ваква е сликата од гласањето на бугарските и српските државјани во Скопје на изборите во нивните држави.
Рекорден одзив на парламентарните избори во Србија, огромен број неправилности и инциденти на гласањето
Изборите во Србија се третираат како историски, а директен судир на изборите има Студенстката листа по две години протести на студентите на улиците и СНС на актуелниотпретседател Александар Вучиќ кој е веќе 14 години на власт.
СДСМ: Цените растат, минималната плата останува 26.000 денари
Опозицискиот СДСМ обвинува дека Владата предводена од Христијан Мицкоски не презема мерки за заштита на животниот стандард на граѓаните, додека трошоците за живот и цените продолжуваат да растат.