Полициска акција вечерва се спроведува на неколку локации низ државата со цел приведување на сторители на кривични дела. Дел од медиумите јавуваат дека се вршат претреси во Арачиново и на други делови од Скопје и државата и дека веќе има уапсени лица.
Од Министерството за внатрешни работи најавуваат повеќе детали во текот на утрешниот ден.
Според медиумски извештаи, во неделата во вечерните часови Министерството за внатрешни работи започнало координирана акција насочена кон насилни криминални групи, која се одвива во неколку делови на Скопје и други градови низ Македонија.
Според информациите, зголемено присуство на полициски сили е забележано во скопските општини Чаир и Арачиново, каде што жителите сведочат за активни интервенции. Акцијата, според најавите, нема да се ограничи само на главниот град, туку ќе продолжи и на други локации низ државата.
Неофицијално, се апсат припадници на криминални групи во Дуќанџик, Грчец и Арачиново.
Слични новости
Утрово најстудено на Попова Шапка
Најстудено утрово е на Попова Шапка -10 степени, во Крушево е -4, Тетово и Маврово -3, Охрид -2, во Скопје се измерени 2степена, а најтопло е во Гевгелија со 5 степени, соопшти УХМР
Јаневска: Секој граѓанин треба да ги знае и почитува државните симболи
Македонија има свои државни симболи – химна, грб и знаме и секој граѓанин треба да ги знае и почитува. Како што и доликува! Чест ми е што како министерство предложивме законски решенија кои овозможуваат опција за време на патронат, државен празник, на почеток и на крај на учебната година, во училиштата да се интонира македонската химна со согласност од општините, порача денеска министерката за образование и наука Весна Јаневска.
Коалиција „Вреди“: Граѓаните да не западнат во замката на политички манипулации на ДУИ
Коалицијата на Албански партии ВЛЕН најостро ја осудува реториката на предизвикување тензии и поларизација која продолжува да ја користи ДУИ, а која што за единствена цел има да ги прикрие огромните корупциски скандали на високите функционери на оваа партија, велат од ВЛЕН.