Политико: Португалија се откажа од купување авиони Ф-35 заради политиката на Трамп

Португалија реши да не ги заменува своите борбени авиони Ф-16 со модерните Ф-35 модели затоа што ситуацијата со претседателот на САД Доналд Трамп доведе до несигурност во врска со односите на Америка и нејзините сојузници, објави Политико.

Претходно воздухопловството на Португалија препорача да се набават моделите Ф-35 од американскиот производител „Локхид Мартин“, но министерот за одбрана на Португалија Нуно Мело во интервју за португалските медиуми изјави дека мора да се земат в предвид геополитичките фактори при носењето на одлука за набавка на авиони.

„Не можеме да ја занемариме моменталната позиција на САД во рамките на НАТО. Предвидливоста на нашите сојузници е важен фактор во донесувањето на одлуките“ изјави Нуно.