Во жестоките судири меѓу италијанските сили за безбедност и демонстранти кои се противат на изградбата на брзата пруга Торино-Лион на северот од Италија. Судирите избувнаа за време на големиот протестен марш „Не ТАВ“ организиран во рамките на фестивалот „Алта Феличита“.
На протестниот марш се собраа околу 20.000 луѓе, но од главната колона се издвоила група од околу 500 маскирани демонстранти, облечени во црно, со кациги и заштитни маски.
Првите судири се забележани кај градилиштето во Сан Дидеро, каде што демонстрантите фрлаа камења, петарди и други експлозивни направи врз полицајците распоредени околу објектот.
Најголемите судири се случија на градилиштето на пругата во Кјомонте. Таму биле извршени повеќе едновремени напади, поради што италијанските медиуми оценуваат дека станува збор за однапред подготвена и координирана акција.
По повеќе обиди маскираната група го пробила полицискиот кордон и упадна во просторот пред железничкио тунел.
Врз полицајците карабињерите и припадниците на Финансиската гарда биле фрлани камења, силни притехнички средства и молотови коктели. Полицијата одговори со солзавец и водени топови, но напаѓачите успејаа да запалат четири службени возила.
Полицискиот синдикат соопшти дека се повредени 60 полицајци, но напомена дека станува збор за привремен биланс и дека бројката на повредени можеби е многу поголема.
Италијанската премиерка Џорџиа Мелони остро го осуди нападот и порача дека „оние што фрлаат експлозивни напарави врз полицијата и палат службени возила, не бранат идеја, туку ја напаѓаат државата. “
Слични новости
Драстичен пад на цените на нафтата по најавите за прекин на нападите меѓу САД и Иран
Утрово цената на нафтата се намали за 8% откако САД и Иран ги прекинаа нападите едни против други во текот на викендот, во услови на напори за оживување на дипломатијата. Цената на нафтата Брент на берзите падна на 90 долари за барел, а цената на американската сурова нафта WTI се намали на 83,6 долари за барел.
Пожарите во Франција се приближуваат кон градот Бордо
Во Франција е во тек најголемата евакуација на население по Втората светска војна. Иако градоначалникот на Бордо изјави дека самиот град засега не е директно загрозен, бројни населби во неговата околина се целосно евакуирани.
Напредуваат преговорите меѓу Иран и Оман за деблокада на Ормутскиот теснец
Во меѓувреме, американскиот претседател Доналд Трамп и нареди на американската војска да ги запре нападите врз Иран за да се овозможи дипломатско решение на судирот. Откако 13 денови по ред Трамп ги одобруваше нападите на американската војска, од петокот Трамп не ја одобрува нивната примена и нареди војската да се воздржи од нови напади.