Три бода освои Лацио, кој со 3:1 го совлада Реал Сосиедад и го задржа првото место. Лацио сега има три бода повеќе од второпласираните Ајнтрахт и Атлетик Билбао и седум гола предност во гол-разликата, па речиси сигурно ќе го задржи врвот на крајот од лигашката фаза од натпреварувањето.
Римскиот Лацио поведе уште во петтата минута со голот на Марио Гил, а нови проблеми за Баскијците стигнаа во 30. минута кога Ајхен Муњоз беше исклучен поради два жолти картони. Лацио го „здебели“ водството во 32. минута преку Матија Закањи, а само две минути подоцна веќе беше 3-0, а голот го постигна Тати Кастеланос. Конечните 3:1 ги постави Андер Баренетсеа во 83. минута.
Ајнтрахт победи со 2:0 против Ференцварош и се искачи на второто место со 16 бодови, исто толку колку и Билбао на третото место. Головите за германскиот тим ги постигнаа Џан Јилмаз Узун (49) и Хуго Екитике (59).
ПАОК со идентичен резултат ја совлада Славија Прага, останувајќи во баражот. Головите за солунскиот тим, чиј голман беше Доминик Котарски, ги постигнаа Стефан Шваб (26-11м) и Јанис Константелиас (56).
РФС го совлада Ајакс со 1:0 во Рига, со решавачкиот гол на Адам Мархијев во 79. минута. Јосип Шутало го одигра целиот натпревар за Ајакс.
Лудогорец загуби на домашен терен од Митјиланд со 0:2. Головите ги постигнаа Дарио Осорио (18) и Валдемар Андреасен (90+5).
Манчестер Јунајтед по голема драма го совлада Ренџерс со 2:1 на „Олд Трафорд“. „Црвените ѓаволи“ поведоа во 52. минута со автогол на гостинскиот голман Џек Батланд, израмни Сириел Десерс во 88. минута, а Бруно Фернандеш му донесе победа на Јунајтед во втората минута од судиското надополнување. Јунајтед сега е четврти со 15 бодови, додека Ренџерс е на 13-та позиција со четири бода помалку.
Во претходниот натпревар Тотенхем го совлада Хофенхајм на гости со 3:2. Со оваа победа Спарс ја прекина серијата од два последователни порази и собра важни бодови во борбата за една од осумте најдобри позиции. Лондонскиот тим поведе во 4. минута со голот на Џејмс Медисон, а во 22. минута Хеунг-Мин Сон зголеми на 2-0. Најдобрата шанса на првото полувреме домашните ја имаа во 33. минута, но Том Бишоф не успеа да го совлада Брендон Остин. Германскиот тим повлече едно во 68. минута со голот на Антон Стах, но Сон ја врати контролата на англискиот премиерлигаш со својот втор гол во 77. минута. Давид Моква Нтусу ги зголеми надежите на домаќините намалувајќи на 2-3 во 88. минута на асистенција на Андреј Крамариќ, кој го одигра целиот натпревар.
Фенербахче и Лион одиграа нерешено без голови.
Бодо/Глимт победија со 3:1 против Макаби Тел Авив. Израелците поведоа во 12. минута со голот на Доро Перец, а израмни Каспер Хог во 39. минута. Сепак, во вториот дел Норвежаните поведоа со 3:1 со головите на Хакон Евјен (62) и Хог (65-11м).
Карабаг водеше со 1:0 и 2:1 против ФЦСБ, но гостите победија со 3:2. Леонардо Андраде му донесе водство на Карабаг во втората минута, но пет минути подоцна израмни Адријан Сут. Домашните дојдоа до ново водство во 41. минута по автоголот на Сијабонга Нгезан, но Давид Микулеску израмни во последните моменти од првото полувреме. Вториот гол на Сут во 73. минута го донесе романскиот тим до пресврт.
Хрватскиот фудбалер Фрањо Ивановиќ беше херојот во победата на белгискиот Унион Сен Жилоа со 2-1 против португалска Брага во седмото коло од Лигата на Европа. Ивановиќ ги постигна двата гола во пресврт за белгискиот тим, кој практично обезбеди премин со оваа победа. Гостите поведоа во 17. минута со голот на Амине Ел Уазани, а во последните моменти од полувремето Ивановиќ првпат погоди против португалскиот тим. Сепак, голот беше поништен поради офсајд. Хрватскиот напаѓач уште еднаш беше прецизен во 50. минута, а овојпат се беше јасно. Тој го заокружи одличното издание во 74. минута со својот втор гол на натпреварот. Во судиското надополнување имаше одлична шанса да постигне хет-трик, но Лукас Хорничек го одбрани неговиот удар. Во 79. минута гостите останаа со играч помалку откако Витор Карваљо беше исклучен поради два жолти картони, а во 84. минута и домаќините останаа со играч помалку, „поцрвене“ Коке Мачада.
Со денешната победа Тотенхем ја прекина серијата од два последователни пораза и освои важни бодови во борбата за една од осумте најдобри позиции. Лондонскиот тим поведе во 4. минута со голот на Џејмс Медисон, а во 22. минута Хеунг-Мин Сон зголеми на 2:0. Најдобрата шанса на првото полувреме домашните ја имаа во 33. минута, но Том Бишоф не успеа да го совлада Брендон Остин. Германскиот тим израмни во 68. минута со голот на Антон Стах, но Сон ја врати контролата на англискиот премиерлигаш со својот втор гол во 77. минута. Давид Моква Нтусу ги зголеми надежите на домаќините намалувајќи на 2-3 во 88. минута, но тоа беше се. Андреј Крамариќ го одигра целиот натпревар за домашниот тим.
АЗ на домашен терен ја совлада Рома со 1:0 на Розангел Дал (80), додека Олимпијакос со идентичен резултат го совлада Порто на гости, со решавачкиот гол на Ајуб Ел Каби во 79. минута.
Слични новости
Преглед НБА: Лејкерс и без Дончиќ пресилни за Клиперс, Бостон го доби дербито на Истокот
Лос Анџелес Лејкерс со третата последователна победа ја завршија серијата од шест гостувања, победувајќи ги градските ривали ЛА Клиперс
Лука Дончиќ се појави на клупата во Лејкерси
Словенечкиот кошаркар утрово за прв пат се појави на клупата на Лејкрес до Леброн Џејмс. Претходно Дончиќ рече дека доаѓа во Лејкерс за да ја освои НБА титулата.
Холандскиот фудбалер Тајлер Маласија замина во ПСВ Ајндовен од Манчестер Јунајтед
Досегашниот фудбалер на Манчестер јунајтед Тајлер Маласија до крајот на сезоната ќе игра на позајмица во ПСВ Анјдховен, соопшти холандскиот клуб. На крајот од сезоната ПСВ ќе има право да го откупи договорт на холандскиот фудбалер.