Претседателката на Словенија, Наташа Пирц Мусар денеска изјави дека само единствена Европа може да биде силен и рамноправен актер во меѓународните односи. Таа изрази незадоволство поради што на денешниот состанок во Париз, на кој ќе се разговара за безбедноста и војната во Украина, нема да присуствуваат сите лидери на земјите-членки на Европска унија.
„Со голема загриженост ги следам случувањата поврзани со мировните напори во Украина. Само обединета Европа може да биде силна Европа, а со тоа и рамноправен играч во меѓународните односи. Само Европа која има почит ширум светот како политички, воен, економски и етички играч може да осигури безбедност (на луѓето) дома“, наведе Пирц Мусар.
Додаде дека на почетокот на руската инвазија сите држави од Европа застанале на страната на Украина, но со текот на времето попушта единството, поради што Европа станува ранлива.
„На симболично ниво, организаторите на самитот во Париз му докажуваат на светот дека и во Европа земјите не се третираат подеднакво. Ова не е во духот на процесот на европска интеграција. Тоа не е Европа за која се залагаме. Тоа не е Европа што светот би ја почитувал. Ова не е Европа која би била респектабилен партнер на северноамериканскиот сојузник„, посочи Пирц Мусар.
Нејзината изјава уследи откако претседателот на Франција, Емануел Макрон денеска ќе биде домаќин на состанок на европските лидери, на кој ќе се разговара за ситуацијата во Украина. На средбата во Париз ќе присуствуваат британскиот премиер Кир Стармер, германскиот канцелар Олаф Шолц, генералниот секретар на НАТО Марк Руте и претседателката на Европската комисија (ЕК) Урсула фон дер Лајен.
Исто така ќе учествуваат и претставници од Италија, Полска, Шпанија, Холандија и Данска.
Најавата за средбата уследи еден ден откако специјалниот пратеник на американскиот претседател Доналд Трамп за Украина, Кит Келог, изјави дека Европа нема да има место на преговарачката маса.
Слични новости
Косово: Специјалното обвинителство обвини две лица за шпионажа во корист на српска БИА
Косовското Специјално обвинителство денеска соопшти дека поднело обвинение за шпионажа против две лица кои, според пишувањето на медиумите во Приштина, биле соработници на српската Безбедносно-информативна агенција (БИА), пренесе Бета.
На Санторини смирена ситуацијата со земјотресите, Мицотакис порачува дека Грција е безбедна земја
Најверојатното сценарио за сеизмичката активност во морскиот дел меѓу Санторини и Аморгос, според претседателот на Организацијата за антисеизмичко планирање и заштита на Грција (ОАСП) Ефтимиос Лекас е постепена деескалација на појавата, додека во изминатите два дена не беше регистриран поголем земјотрес, а грчкиот премиер Кирјакос Мицотакис порача дека Грција е безбедна земја
Пицула: На Србија ѝ недостига реален напредок кон ЕУ
Србија изминатите години нема вистински напредок на нејзиниот пат кон Европска Унија, изјави денеска известувачот на Европскиот парламент за Србија, Тонино Пицула, пред европратениците од Парламентарната комисија за надворешни работи.