Патните трошоци на пратениците, поделени на месечно ниво, се поголеми од минималната плата на еден работник, особено во приватен сектор. Ќе продолжиме да ги блокираме и пратениците и министрите и владата и работодавачите и сите оние кои се виновни што низ годините го донесоа македонскиот работник на дното, рече Иван Пешевски, потпретседател на ССМ, претпладнево од блокадата на собранието.
„Тврдиме дека 600 евра треба да биде една загарантирана сума под која не смее еден работник да ја добие на месечно ниво, како би можел да го преживее месецот. Видовме дека животот за две години е поскап за 9.000 денари, тоа го покажуваат цените кои секојдневно ги бркаме и мериме по маркетите.
Само за една година е зголемен трошокот за живот на едно семејство за 6.000 денари и затoа бараме итно и неодложно да се стави точката на дневен ред, да се изгласа 600 евра минимална плата и зголемување на сите плати за 100 евра.“
Тој ги повика пратениците да се одважат, да ја стават точката на дневен ред и да изгласаат ако, како што рече, „сакаат да си обезбедат уште еден мандат“, во спротивно најави секојдневна блокада на улици и институции.
Слични новости
Гувернерот на НБ Славески бара закаонски измени за ограничување на банкарските надоместоци
Гувернерот на Народната банка на Македонија Трајко Славески побара законски измени со кои на Народната банка би и се овозможиле механизми за поголема заштита на корисниците на платните услуги и за ограничување на одредени банкарски надоместоци, според примерот на повеќе европски земји.
ССМ: Македонија меѓу најлошите држави во светот за работниците
Сојузот на синдикати на Македонија објави дека Меѓународната конфедерација на синдикати во извештајот за 2026 година констатира дека во Македонија се влошени работничките права.
Мицкоски бара Брисел да усвои нов заклучок за Македонија со гаранции дека нема да има нови условувања
Ако европските политичари се едногласни дека нема да има нови условувања, тогаш најмалку што можеме да добиеме ние како држава е да добиеме нози заклучоци во кои ќе ставиме се. На тој начин ќе се потврди поддршката и довербата, порача Мицкоски.