Русија денеска соопшти дека и натаму бара Украина да ги повлече своите вооружени сили од источниот дел на земјата како предуслов за решавање на конфликтот, во пресрет на разговорите во Абу Даби меѓу руски, украински и американски претставници.
Украинскиот претседател Володимир Зеленски изјави дека територијалното прашање останува главната нерешена точка и дека ќе биде на дневен ред на преговорите што ќе се одржат во петок и сабота. Ова ќе бидат првите директни разговори меѓу Москва и Киев поврзани со американскиот план за надминување на конфликтот.
Портпаролот на руското претседателство, Дмитриј Песков, изјави дека повлекувањето на украинските сили е суштински услов. „Украинските вооружени сили мора да го напуштат Донбас, мора да се повлечат.
Ова е многу важен услов“, порача Песков, додавајќи дека без решавање на територијалното прашање е бесмислено да се очекува склучување долгорочен договор.
Русија бара повлекување на украинските сили од Донбас, индустриски и рударски регион во источна Украина кој ги опфаќа областите Доњецк и Луганск.
Нејзините барања особено се однесуваат на Доњецката област, која Русија делумно ја контролира и која и натаму останува епицентар на борбите.
Слични новости
Гутереш: Глобалните проблеми нема да се решат со тоа што една сила ќе ги носи сите одлуки
Генералниот секретар на ОН, Антонио Гутереш го критикуваше геополитичкото однесување на Кина и на Соединетите Држави под претседателство на Доналд Трамп.
Њујорк тајмс: На Трамп му се претставени дополнителни воени опции за напад врз Иран
Официјални претставници на администрацијата наведуваат дека Трамп зазема сличен пристап кон Иран како кон Венецуела, натрупувајќи сили во близина, додека му се заканува на лидерот на земјата
Нов баланс на моќта: Европа забрзано ја презема разузнавачката улога во Украина
Европа во наредните месеци значително ќе ја намали зависноста на украинската војска од американските разузнавачки податоци, пренесе Фајненшал тајмс, повикувајќи се на европски извори.