Портпаролот на Кремљ, Дмитриј Песков, во неделата изјави дека „ниту може да ги потврди, ниту да ги негира“ извештаите за разговор меѓу рускиот претседател Владимир Путин и американскиот претседател Доналд Трамп, објави руската новинска агенција ТАСС.
Трамп претходно тврдеше дека телефонски разговарал со Путин за ставање крај на војната во Украина, објави во саботата доцна ноќта електронското издание на весникот The New York Post, што би претставувало прв потврден директен разговор меѓу Путин и американски претседател од почетокот на 2022 година.
Трамп, кој вети дека ќе стави крај на војната во Украина но сè уште јавно не кажа како ќе го стори тоа, минатата седмица рече дека војната е крвопролевање и дека неговиот тим имал „некои многу добри разговори“.
Во интервјуто дадено во претседателскиот авион „Air Force One“ во петокот, Трамп за The New York Post вели дека е „подобро да не кажува“, кога го прашале колку пати тој и Путин разговарале.
„Тој (Путин) сака да ги види луѓето да престанат да умираат“, вели Трамп во интервјуто.
Портпаролот на Кремљ, Дмитриј Песков, во неделата изјави за руската новинска агенција ТАСС дека „се појавуваат многу различни комуникации“.
„Оваа комуникација се одвива преку различни канали. Можеби јас лично нешто не знам. Така што, во овој случај не можам ниту да потврдам ниту да демантирам“, вели Песков на прашањето на ТАСС директно да го коментира извештајот на американскиот весник.
Путин последен пат разговараше со поранешниот американски претседател Џо Бајден во февруари 2022 година, непосредно пред Путин да нареди распоредување на илјадници војници во Украина. Двајцата челници тогаш разговараа околу еден час, соопшти Кремљ.
Новинарот на The Washington Post, Боб Вудворд во својата книга „Војна“ од 2024 година тврди без наведување докази дека Трамп разговарал директно со Путин седум пати откако ја напуштил Белата куќа во 2021 година.
Запрашан дали тоа е вистина во интервју за деловната новинска агенција Bloomberg News минатата година, Трамп рече: „Ако сум, тоа е паметна работа“. Кремљ, пак, го негираше тврдењето на Вудворд.
Трамп за The New York Post вели дека „секогаш имал добри односи со Путин“ и дека има конкретен план за ставање крај на војната. Сепак, тој не открива повеќе детали.
„Се надевам дека ќе биде брзо. Луѓето умираат секој ден. Оваа војна во Украина е толку лоша. Сакам да ја прекинам проклетата работа“, вели Трамп.
Слични новости
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва