План за повлекување авиони, воени бродови, оружје и десетици илјади американски војници од Европа разгледува Пентагон, и покрај предупредувањата од сојузниците на НАТО за растечката закана од руска агресија, јави Ен-Би-Си повикувајќи се на сегашни и поранешни западни и американски функционери.
Станува збор за можно повлекување на околу една третина од американскиот контингент, односно приближно 25.000 војници, додека некои извори тврдат дека бројката би можела да достигне и до половина од вкупните сили – до 40.000 луѓе.
Доколку тој план се спроведе, тоа ќе биде најрадикалното намалување на американското воено присуство на европскиот континент од крајот на Студената војна, во време кога на континентот има околу 80.000 американски војници.
Намалувањето на силите би ги погодило најмногу Германија, Италија и Шпанија, земјите каде што се наоѓаат повеќето американски бази.
Слични новости
Денеска прв круг од претседателските избори во Бугарија
Во Бугарија денеска се одржуваат претседателски избори на кои 6,59 милиони граѓани имаат право да гласаат за нов претседател и потпретседател на државата. На изборите учествуваат 27 кандидати за претседател на државата.
Демонстрации ширум Европа: Нереди во Париз, Милано, Брисел, Рим, Тирана
На протестите во Франција и Италија синоќа повторно имаше нереди. Во Франција за време на демонстрациите се уапсени околу 1.000 луѓе. Судири имаше и во центарот на Рим откако демонстрантите се обидоа да го пробијат полицискиот кордно кон државните институции, фрлајќи шишиња врз полицајците
Рекордна излезност на вонредните избори во Србија каде што Студентската листа се надева да го собори од власт СНС и Вучиќ по 14 години
Уште од отворањето на избирачките места во 07 00 часот огромни колони луѓе чекаат да го искористат своето право на глас, а одзивот е рекорден. Според податоците на ЦРТА одзивот на изборите во Србија до 10 часот изнесува 19,8 насто, што е двојно повеќе од изборите во 2023.