Пентагон подготви планови за можно обновување на воените операции против Иран, вклучувајќи и поинтензивни воздушни удари и потенцијално распоредување на американски специјални сили, објави Њујорк тајмс.
Според пишувањето на весникот американскиот претседател Доналд Трамп сеуште не ја донел конечната одлука за следните потези околу Иран.
Американскиот секретар за одбрана Пит Хегсет пред американскиот Конгрес рече дека САД имаат готови планови за ескалација на војната доколку тоа биде потребно, но имаат и опции за повлекување на силите од регионот.
Њујорк тајмс пишува дека една од опциите е дополнително бомбардирање на иранските воени и инфраструктурни цели, додека втората опција предвидува испраќање на специјални единици за преземање на контролата врз нуклеарниот материјал во пострoјката Исхафан.
Официјалeн Техеран порача дека нивните оружени сили се подготвени за одговор на евентуалните нови напади од Америка.
САД во моментов на Блискиот исток имаат повеќе од 50.000 американски војници, два носачи на aвиони, разурнувачи и борбени авиони подготвени за евентуални нови операции против Иран.
Слични новости
Нови преговори меѓу Украина и Русија со посредство на САД во Женева
Разговорите во Женева се продолжение на претходните средби во Обединетите Арапски Емиратина на кои немаше значаен напредок, освен што беше договорена размена на заробеници.
ССМ со блокада на Владата бара поддршка за предлогот 600 евра минималец
Нова блокадата и нов протест пред генерален штрајк. Сојузот на синдикатите на Македонија денеска во 11 часот ги блокира вратите на Владата со исто барање, поддршка за предлогот за 600 евра минималец и сто евра раст на останатите плати
Најсилен напад на Украина врз Русија од почетокот на војната
Украина го изведе најсилниот напад врз Русија од почетокот на војната, а погодени биле неколку руски области, при што главна цел на нападите биле енергетските постројки.