Пекинг ги откри деталите на договорот за трговско примирје со Вашингтон

Кина денеска соопшти дека продолжувањето на тгровското примирје со САД до 10 јануари ќе им овозможи на двете страни да го проценат спроведувањето на досегашните договори и да разговараат за натамошен напредок во економските и трговските прашања.

Кинеското министерство за трговија наведе дека продолжувањето на трговското примирје обезбедува „релативно стабилно и предвидливо опкружување“ за работење на компаниите и продолжување на преговорите, пренесе Ројтерс.

Во рамките на новиот трговски совет, Кина и САД ќе разгледуваат заемно намалување на царините на стоки во вредност од 30 милиони долари.

Кога станува збор за вештачката интелигенција, ќе биде воспоставен канал за комуникации во случај на инциденти, а разговорите ќе бидат продолжени на крајот на ноември.