Патниците во Париз отсега може да патуваат до центарот на градот од неговиот јужен дел со жичница долга 4,5 километри, за која се вели дека е најдолгата урбана жичарница во Европа, објави операторот „Île de France Mobilités“.
Новата линија, која започна со работа во саботата, ќе има пет станици и ќе биде поврзана со градското метро. Проектот чинеше речиси 138 милиони евра.
Се очекува да ја користат околу 11.000 патници дневно. Времето на патување од терминал до терминал ќе биде 18 минути, во споредба со 40 минути за автобус за истата делница. Секоја кабина ќе има 10 седишта.
Операторот објасни дека ја избрале жичницата како превозно средство со оглед на тоа што областа е пресечена со товарни и брзи железнички линии, а постојните сообраќајни коридори се многу пренатрупани.
Јужниот француски град Тулуз има слична жичница долга три километра, а малку пократки линии постојат во Барселона и во Лондон.
Агенцијата AFP потсетува дека постојат и алпски жичници со слична должина. Подолги градски жичници постојат и во боливиски Ла Паз и во колумбиски Меделин.
Слични новости
На Евросонгот 2026 во Виена ќе учествуваат 35 земји
Триесет и пет земји ќе се натпреваруваат на следниот Евровизиски натпревар во Виена, објави во понеделникот Европската радиодифузна унија (EBU), по одлуката на голем број земји да го бојкотираат настанот откако на израелски учесник му беше дозволено да учествува
За смртта на Роб Рајнер и сопругата осомничен синот
Синот на филмскиот режисер и актер Роб Рајнер е уапсен под обвинение за убиство откако режисерот и неговата сопруга беа пронајдени мртви во нивниот дом во Лос Анџелес, изјави во понеделникот полициски функционер
Зоотопиа 2 стана најуспешен холивудски блокбастер за 2025 за само 18 дена
Една од причините за фантастичниот успех на „Зоотопиа 2 “ е пазарот во Кина каде што филмот надмина заработка од 500 милиони долари. Филмот е сеуште прва на американскиот Бокс Офис и се очекува да продолжи со огромната заработка.