Парамаунт сака да сними биопик за Евил Каневил со Леонадро ДиКаприо и Едријан Броди

Студиото Парамаунт се обидува да обезбеди врвен каст со оскаровците Леонардо ДиКаприо и Едријан Броди за биопикот што сака да го снима за моторџијата Евил Каневил познат по тоа што со моторот прелетуваше возила и кањони.

Ликот на Каневил би требало да го игра Ди Каприо, а Броди, кој штотуку доби Оскар за улогата во „Бруталист“, разговара со студиото за улогата на Шели Салтман, спортски промотер кој беше нападнат од Каневил со алуминиумска палка.

Режисер на филмот треба да биде Демијан Шазел, режисерот на филмот „Вавилон“. Шазел работеше на друг проект, но сега вниманието му е насочено кон биопикот, особено поради тоа што на проектот како сценарист му се приклучи Вилијам Монахан кој го напиша сценариото за филмот „Departed“ на Мартин Скорцесе во кој играше Леонардо ДиКаприо.