Вооружени сепаратисти зедоа 182 заложници, вклучително и војници, откако во вторникот нападнаа воз во југозападен Пакистан, заканувајќи се дека ќе ги убијат доколку безбедносните сили не ја напуштат областа.
Возот, кој превезувал околу 400 патници, останал заробен во тунел, а машиновозачот бил тешко повреден, според локалните власти, полицијата и претставници на пакистанската железница. Ниту еден од нив досега не го потврди извештајот на Ослободителната војска на Балуџистан (BLA) за земање заложници.
Безбедносните сили соопштија дека се слушнала експлозија во близина на тунелот и дека имало размена на оган со милитантите во планинската област. BLA бара независност за провинцијата Белучистан, која се граничи со Авганистан и Иран, а нејзините членови рекоа дека досега убиле 20 војници и собориле беспилотно летало. Пакистанските власти не ја потврдија оваа информација.
Групата, исто така, објави дека зела 182 заложници од возот, вклучително и членови на пакистанската армија и други безбедносни службеници кои патувале на одмор.
Во соопштението испратено до новинарите преку е-пошта од BLA и објавено на Telegram се вели дека „цивилите, особено жените, децата, старите лица и граѓаните на Балучистан се пуштени на безбедно“ и дека им е „гарантирана безбедна рута“. Но, милитантите предупредуваат дека доколку продолжи воената интервенција, „сите заложници ќе бидат егзекутирани“.
Возот „Jaffar Express“ сообраќал на линијата од главниот град на Белуџистан – Квета, до Пешавар во моментот кога било пукано во него. Пакистанскиот министер за внатрешни работи, Мохсин Накви, го осуди нападот и рече дека владата нема да направи никакви отстапки за „ѕверовите кои пукаат во невини патници“.
Владата на Белуџистан воведе итни мерки за решавање на ситуацијата, рече портпаролот Шахид Ринд, без да даде дополнителни детали.
Ослободителната војска на Балуџистан (BLA) е најголемата од неколкуте бунтовнички групи кои се во конфликт со владата со децении. Тие тврдат дека владата неправедно ги искористува богатите гасови и минерални ресурси на Белуџистан. Во такви конфликти, вообичаени се нападите врз владините, воените и кинеските интереси во регионот.
Слични новости
Украина го прифати американскиот предлог за 30-дневен прекин на огнот со Русија, САД велат дека сè е до Русија сега
Украина се согласи на непосреден 30-дневен прекин на огнот во војната со Русија за време на разговорите со американските претставници во Саудиска Арабија, се вели во заедничката изјава на земјите, а Вашингтон веднаш ќе продолжи со споделување разузнавачки информации и „безбедносна помош“ за Украина
ЕУФОР: Распоредуваме воено засилување во БиХ
Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево
Фон дер Лајен: Урнати се илузиите за европската безбедност
Илузиите за безбедноста на Европа се урнати и Европската унија мора веднаш да почне да инвестира значително повеќе во својата одбрана, изјави во вторникот претседателката на Европската комисија, Урсула фон дер Лајен, во обраќањето пред Европскиот парламент