Европските берзи паднаа втор ден по ред во петокот претпладнето, бидејќи инвеститорите стравуваа од трговска војна, а американскиот претседател Доналд Трамп се закани со царини.
Индексот STOXX 600 на водечките европски акции во првиот дневен пресек од тгувањето беше во минус од 0,6 отсто, слабеејќи втор ден по ред. Претпладнето лондонскиот FTSE индекс се намали за 0,33 отсто, на 8.727 поени, додека франкфуртски DAX за 0,84 отсто, на 22.360 поени, а париски CAC за 0,73 отсто, на 8.045 поени.
Цените на акциите паднаа и на азиските берзи. MSCI индексот на азиските акции беше во минус за повеќе од 1,5 отсто во во истиот момент како и во Европа. Јапонскиот индекс Nikkei потона за 2,9 отсто, додека цените на акциите во Австралија, Шангај, Хонг Конг и Јужна Кореја паднаа меѓу 1,2 и 3,4 отсто.
Остриот пад на берзите уследи по вчерашната порака на Трамп дека следната седмица ќе стапат на сила царините од 25 отсто за увозот од Канада и Мексико. Тој најави и нови царини од 10 отсто за увозот од Кина, иако веќе пред еден месец беа воведени царини од 10 отсто.
Ова е причината зошто инвеститорите стравуваат од трговска војна. Особено што на почетокот на неделата Трамп изјави дека наскоро би можел да воведе царини од 25 отсто на увозот од Европската унија, на што Европската комисија најави брз и одлучен одговор.
Доколку продолжи таквата цаинска војна, тоа негативно ќе влијае на меѓународната трговија и на целата глобална економија. Така, берзите го следат вчерашниот пад на Волстрит, кога индексот Dow Jones падна за 0,45 отсто, додека S&P 500 потона 1,59 отсто, а Nasdaq индексот 2,78 отсто.
Слични новости
Волстрит падна поради пресвртите на Трамп, европските берзи растат
На Волстрит цените на акциите драстично паднаа минатата седмица поради неизвесноста околу трговската политика на Вашингтон, додека европските берзи пораснаа откако Европската централна банка дополнително ги намали каматните стапки
Швеѓаните почнуваат бојкот на американските производи како одговор на промената на политиката на САД
Серијата иницијативи за бојкот на американските производи се појави како одговор на промената на американската политика, вклучувајќи да одлуката на Вашингтон да ја прекине поддршката на Украина и да воведе царински тарифи на стоките од Европа
Повеќе од 150 000 работни места отворени во САД, иако расте невработеноста
Во Америка во февруари се отворени 150 000 работни места, но и покрај тоа, невработеноста порасна на 4,1 насто поради заканите на претседателот Трамп со трговски војни и најавите дека од САД ќе бидат вратени милиони имигранти.