На њујоршки Волстрит, индексот S&P 500 се лизна од рекордните нивоа во четвртокот, како и Nasdaq, бидејќи инвеститорите беа загрижени од податоците за порастот на цените на производителите во САД, што може да ја поттикне тамошната централна банка да го забави темпото на намалување на каматните стапки.
Индексот Dow Jones загуби 0,53 отсто, на 43.914 поени, додека S&P 500 се лизна за 0,54 отсто, на 6.051 поен, а индексот Nasdaq 0,66 отсто, на 29.902 поени.
Откако податоците за потрошувачките цени во средата покажаа дека инфлацијата во САД сѐ уште е далеку над целните нивоа на американската централна банка, вчерашните податоци за цените на производителите го потврдија тоа. Во ноември овие цени се зголемија за 0,4 отсто на месечно ниво, а за 3 отсто на годишно ниво, повеќе од очекувањата на аналитичарите.
А зголемената инфлација може да го поттикне Fed да го забави или дури и да го прекине циклусот на намалување на стапката. Иако челниците на Fed со седмици повторуваат дека темпото на зголемување на каматните стапки може да се забави, пазарот очекува дека на дводневниот состанок од 17 до 18 декември Fed ќе ги намали каматните стапки по третпат оваа година, за дополнителни 0,25 процентни поени.
По силниот раст од претходниот ден, кој ги турна S&P 500 и Nasdaq на рекордни нивоа, цените на акциите во технолошкиот сектор вчера паднаа. Од 11-те најважни сектори на индексот S&P 500, цените пораснаа само во потрошувачки сектор.
A на повеќето европски берзи цените на акциите вчера пораснаа, откако Европската централна банка (ECB) очекувано ги намали каматните стапки за дополнителни 0,25 процентни поени.
Лондонски FTSE индекс зајакна 0,12 отсто, на 8.311 поени, додека франкфуртски DAX порасна за 0,13 отсто, на 20.426 поени. Парискиот CAC, пак, ослабе за 0,03 отсто, на 7.420 поени.
Слични новости
Цените на нафтата близу 74 долари
Цените на нафтата се задржаа на меѓународните пазари во четвртокот близу 74 долари, што ги одразува поделените проценки на инвеститорите за можното влијание на новите американски царини врз побарувачката на горива
Вкупниот кинески долг трипати поголем од БДП-то
Вкупниот долг на Кина трипати поголем од бруто домашниот производ (БДП) и веројатно ќе се зголеми дополнително, изјави во четвртокот заменик-гувернерот на централната банка Ксуан Чангенг
Автомобилската индустрија потресена од американката најавва за царини
Одлуката на американскиот претседател Доналд Трамп да воведе царини од 25 отсто на увезените автомобили и автоделови ги потресе производителите ширум светот, а според Илон Муск, исто така, штети очекува и неговата „Tesla“