Берзанските индекси паднаа на Волстрит во понеделникот, но загубите беа ублажени во втората половина од тргувањето бидејќи американскиот претседател Доналд Трамп го одложи воведувањето царини за увозот од Мексико.
Индексот Dow Jones падна за 0,28 отсто на 44.421 поен, додека S&P 500 се лизна за 0,76 отсто на 5.994 поени, а индексот Nasdaq падна за 1,2 отсто на 19.391 поен.
На самиот почеток од тргувањето, овие индекси беа во значително поголем дефицит бидејќи одлуката на американскиот претседател да воведе царини за Канада, Мексико и Кина предизвика страв од трговска војна.
Но, во вториот дел од тргувањето, загубите беа ублажени бидејќи Трамп го одложи воведувањето царини за Мексико за еден месец, имајќи предвид дека Мексико се согласи да испрати 10.000 војници на границата меѓу двете земји за да се запре илегалната миграција и шверцот на наркотици, особено фентанил.
Ова донекаде ги охрабри инвеститорите, но не целосно затоа што Трамп се заканува дека ќе воведе царини и на увозот од Европската унија.
„Трамп мислеше на тоа кога рече дека царините ќе бидат главната алатка за постигнување различни цели. Ризикот од царините ќе предизвика нестабилност на пазарите на краток рок. Се чини дека следната цел на Трамп е Европската унија“, вели Керол Шлајф, директорка во компанијата „BMO Family Office“.
По затворањето на Волстрит, Канада објави дека царините за нејзиниот извоз во САД се одложени за еден месец, како и во Мексико. И покрај ова, се чини дека претстои нестабилно тргување за глобалните берзи, бидејќи наметнувањето царини може да предизвика трговска војна, бавен раст на најголемите светски економии и заживување на инфлацијата.
Цените на акциите вчера паднаа и на европските берзи. Лондонскиот FTSE индекс се намали за 1,04 отсто, на 8.583 поени, додека франкфуртски DAX за 1,40 отсто, на 21.428 поени, а париски CAC за 1,20 отсто, на 7.854 поени.
Слични новости
Минималната кошница ќе ја формираат сикдикатите, ДЗС, ОПМ и министерствата за финансии и за економија
Не е постигнат договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика, Организација на потрошувачи, како и министерствата за економија и за финансии
Aнгеловска-Бежоска: Реформите се важен фактор за привлекувањето странски инвестиции
Реформите, вклучувајќи го и усогласувањето на нашата регулатива и практики со европските, се значаен фактор за привлекување странски директни инвестиции. А странските директни инвестиции во малите економии како нашата вообичаено се еден од двигателите на економскиот раст“, истакна гувернерката на Народната банка
Пад на брзите во Европа и Азија поради американските царини
Европските берзи остро паднаа во понеделникот наутро, бидејќи инвеститорите стравуваа од трговска војна, откако Вашингтон воведе царини на увозот од Канада, Мексико и Кина, а исто така и се закани на Европската унија