Европските берзи паднаа во петокот во претпладневното тргување, главно во банкарскиот сектор, бидејќи проблемите во регионалните банки во САД предизвикаа загриженост кај инвеститорите и за некои други банки.
Индексот STOXX 600 на водечките европски акции падна за 1,5 отсто во првиот пресек од тргувањето, губејќи ги речиси сите добивки од почетокот на седмицата. Лондонскиот индекс FTSE се лизна за 1,53 проценти на 9.290 поени, додека франкфуртскиот DAX потона за 2,10 отсто на 23.760 поени, а парискиот CAC за 0,87 отсто на 8.117 поени.
Падот на индексот во голема мера се должи на притисокот врз акциите на банките, како што се „Deutsche Bank“, „Barclays“ и „BNP Paribas“.
Банкарскиот сектор е во просек во пад од речиси 2,5 отсто утрово.
Така, берзите го следат вчерашниот пад на Волстрит, каде што индустрискиот просек Dow Jones падна за 0,65 отсто, S&P 500 за 0,63 отсто, а Nasdaq за 0,47 отсто.
Падот на индексите во голема мера се должи на загриженоста на инвеститорите за регионалните банки во САД, по лошите вести од две.
Цената на акциите на „Zions Bancorporation“ потона за 13 отсто откако регионалната банка објави загуба од 50 милиони долари во третиот квартал, зголемувајќи ја загриженоста на инвеститорите за скриени кредитни проблеми, додека банките се справуваат со економската неизвесност со сè уште релативно високи каматни стапки.
Цената на акциите на „Western Alliance Bank“ падна за речиси 11 отсто откако објави дека поднела тужба за измама против еден од своите клиенти.
Како резултат на тоа, индексот на финансискиот сектор потона за 2,75 отсто.
Цените на акциите паднаа и на азиските берзи. Индексот MSCI на акциите во Азиско-пацифичкиот регион, без јапонските, падна за 0,9 отсто во истиот термински пресек како и во Европа, па затоа е на пат да ввпиште седмични загуби. Цените на акциите во Австралија, Шангај, Јапонија и Хонгконг паднаа за меѓу 0,8 и 2,3 отсто претпладнево, додека Јужна Кореја и Индија пораснаа за меѓу 0,1 и 0,7 отсто.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица