Пејачката и актерка Џенифер Лопез и актерот Бен Афлек, холивудска двојка која со години го привлекува вниманието на јавноста, официјално стави крај на бракот. Врховниот суд во Лос Анџелес го потврди нивниот развод на 6-ти јануари, а одлуката стапи во сила на 21-ви февруари.
Џенифер и Бен постигнаа договор со посредство уште во септември минатата година, со што ја избегнаа долгата судска битка низ која поминаа некои други познати парови. Џенифер Лопез претходно го отстрани презимето Афлек.
Иако финансиските детали не се целосно обелоденети, познато е дека ниту еден од нив нема да плати брачна издршка. Бидејќи немале деца заедно, прашањето за старателството не било на дискусија.
Двојката се венчаше во јули 2022 година, но Лопез поднесе барање за развод во август 2024 година, наведувајќи дека се разделиле повеќе од една година порано.
Нивната љубовна приказна имаше турбулентен тек – тие првпат беа свршени во раните 2000-ти, но раскинаа во 2004 година поради притисокот на јавноста. Дваесет години подоцна се обединија и се венчаа, но и овој пат врската не траеше.
Бен Афлек претходно беше во брак со актерката Џенифер Гарнер, со која има три деца. Џенифер Лопез се мажеше четири пати и има близнаци од врската со пејачот Марк Ентони.
Слични новости
Марти Скорцесе подготвува нов мафијашки филм во стилот на Дипартед
Легендарниот режисер Марти Скорцесе собра импресивна актерска екипа за неговиот нов мафијашки филм. Во новиот филм на Скорцесе ќе играат големите холивудски ѕвезди Леонардо ДиКаприо, Двејн Џонсон и Емили Блант.
Втората сезона на „Ноќниот агент“ најгледана на стриминг платформите
Во последната недела од мерењата серијата постигна гледаност од 3,11 милијарди минути и е убедливо најгледана серија на стриминг платформите.
Амазон МГМ ја откупи франшизата за Џемс Бонд заедно со Барбара Броколи
Барбара Броколи ја наследи франшизата од нејзиниот татко Алберт Броколи кој ја започна франшизата со првиот Џемс Бонд од 1962 „Доктор Но“, каде што ликот на славниот британски агент 007 го толкуваше Шон Конери.