Управата на англискиот премиерлигаш Вулверхемптон Вондерерс му ја врачи оставката на менаџерот 41-годишниот Гери О’Нил по серијата лоши резултати, соопштија од клубот од стадионот „Молине“.
Вондерерси ги загубија последните четири натпревари, а дури 11 во 16 кола сезонава, со што паднаа на 19. место на табелата со девет бодови, четири повеќе од Саутемптон.
Примија и 40 гола, веројатно најмногу од сите клубови оваа сезона во Премиер лигата.
„Ние сме му благодарни на Гери за сите негови напори, посветеност и напорна работа за време на неговиот престој во клубот, и му посакуваме нему и на неговиот тим многу среќа во иднина“, соопштија од клубот.
О’Нил го предводеше Вулверхемптон од август минатата година, постигнувајќи 20 победи, 11 нерешени и 32 порази во 63 натпревари.
Тој е третиот менаџер од Премиер лигата кој добива отказ оваа сезона по Стив Купер во Лестер Сити и Ерик тен Хег во Манчестер Јунајтед.
Слични новости
Рускиот тенисер Андреј Рубљов победи на турнирот во Доха
Рускиот тенисер Андреј Рубљов денеска ја освои титулата на турнирот во Доха, откако по три сета во финалето го победи Британецот Џек Драјпер 7:5, 5:7 и 6:1.
Кливленд убедлив против Њујорк во дербито на Истокот
Најефикасен поединец за Кливленд беше Донован Мичел кој постигна 27 поени и имаше одличен шут за тројка 5 од 7, а Еван Мобли постигна 21 поен со 8 скокови.
Хрватска за прв пат во историјата не успеа да се квалификува за Европското првенство во кошарка
Кошаркарската репрезентација на Хрватска за прв пат во својата историја не успеа да се квалификува на Европското првенство во кошарка, откако на свој терен во квалфикациите во Задар загуби од репрезентацијата на Франција со 83:80.