Управата на англискиот премиерлигаш Вулверхемптон Вондерерс му ја врачи оставката на менаџерот 41-годишниот Гери О’Нил по серијата лоши резултати, соопштија од клубот од стадионот „Молине“.
Вондерерси ги загубија последните четири натпревари, а дури 11 во 16 кола сезонава, со што паднаа на 19. место на табелата со девет бодови, четири повеќе од Саутемптон.
Примија и 40 гола, веројатно најмногу од сите клубови оваа сезона во Премиер лигата.
„Ние сме му благодарни на Гери за сите негови напори, посветеност и напорна работа за време на неговиот престој во клубот, и му посакуваме нему и на неговиот тим многу среќа во иднина“, соопштија од клубот.
О’Нил го предводеше Вулверхемптон од август минатата година, постигнувајќи 20 победи, 11 нерешени и 32 порази во 63 натпревари.
Тој е третиот менаџер од Премиер лигата кој добива отказ оваа сезона по Стив Купер во Лестер Сити и Ерик тен Хег во Манчестер Јунајтед.
Слични новости
Сержио Консесисао останува тренер на Милан и покрај слабите резултати
Минатата недела Милан беше елиминиран од Фејенорд во Лигата на шампионите, а потоа во домашното првенство загубија и од Торино со 2:1 што ги отвори разговорите за можно заминување на португалскиот тренер од Сан Сиро.
Дончиќ со трипл дабл ги предводеше Лејкерс во победата врз својот поранешен клуб Далас
Словенечката суперѕвезда против својот поранешен тим оствари трипл дабл со 19 коша, 15 скокови и 12 асистенции.
Кристал Палас – Астон Вила 4:1
Фудбалерите на Кристал Палас убедливо ја совладаа Астон Вила со 4:1 на својот „Селхарст Парк“, во натпреварот од 27. коло на англиската Премиер лига