Управата на англискиот премиерлигаш Вулверхемптон Вондерерс му ја врачи оставката на менаџерот 41-годишниот Гери О’Нил по серијата лоши резултати, соопштија од клубот од стадионот „Молине“.
Вондерерси ги загубија последните четири натпревари, а дури 11 во 16 кола сезонава, со што паднаа на 19. место на табелата со девет бодови, четири повеќе од Саутемптон.
Примија и 40 гола, веројатно најмногу од сите клубови оваа сезона во Премиер лигата.
„Ние сме му благодарни на Гери за сите негови напори, посветеност и напорна работа за време на неговиот престој во клубот, и му посакуваме нему и на неговиот тим многу среќа во иднина“, соопштија од клубот.
О’Нил го предводеше Вулверхемптон од август минатата година, постигнувајќи 20 победи, 11 нерешени и 32 порази во 63 натпревари.
Тој е третиот менаџер од Премиер лигата кој добива отказ оваа сезона по Стив Купер во Лестер Сити и Ерик тен Хег во Манчестер Јунајтед.
Слични новости
Евролига: Реал ја совлада Барселона, Ѕвезда во Белград потклекна пред Жалигирис
Во големото шпанско дерби во рамките на 27. коло од Евролигата, кошаркарите на Реал Мадрид на домашен терен беа подобри од Барселона со 96:91
АТП Дубаи: Медведев пропушти четири меч топки и загуби
По два часа и 36 минути игра, холандскиот тенисер Талон Грикспур го совлада Русинот Даниил Медведев со 2:6, 7:6(7), 7:5 во четвртфиналето на АТП 500 турнирот во Дубаи
Ечевери на располагање на Гвардиола во Манчестер Сити
Актуелниот англиски фудбалски шампион Манчестер Сити објави дека младиот аргентински играч за врска 19-годишниот Клаудио Ечевери пристигнал во клубот и ќе му биде на располагање на менаџерот Жосеп Гвардиола до крајот на оваа сезона