По одржаниот четириесетдневен помен по неговата смрт, Синодот на Албанската автокефална црква го отвори тестамент на архиепископот Анастас Јанулатос.
„Во тестаментот стои дека сите негови финансиски заштеди како архиепископ и припаѓаат на Албанската црква. Половина од нив да бидат потрошени во завршувањето на катедралата „Воскресение Христово“ во Тирана, додека остатокот да се користи за поддршка на платите на свештениците и за развој на црковните младински програми на албанската црква“, објави Албанската автокефална православна црква (ААПЦ) на официјалната страна на Facebook.
Книгите, чиј автор е тој треба да се предадат на библиотеката на Православната богословска академија „Воскресение Христово“, а дел од нив, симболично, да им бидат подарени на други митрополити.
Книгите издадени во Атина се донирани на библиотеката на Центарот „Порефтентес“, кому му ги префрла и авторските права од продажбата на негови книги.
Архиепископот Анастасиос почина на 25.јанаури во болницата „Евангелизам“ во Атина, каде што се лекуваше од 3. јануари. На 30. декември беше превентивно примен во болница во Тирана со сезонски вирус, меѓутоа ситуацијата се влошила, па на 3. јануари во вечерните часови со авион на грчкото воено воздухопловство, итно беше пренесен во болница во Атина.
Роден е на 4, ноември 1929 година во Пиреја. За архиепископ на Тирана, Драч и цела Албанија, како што беше неговата титула, беше избран во јуни 1992 година, кога во исклучително тешки околности ја основа и ја разви автокефалната Албанска православна црква, која беше целосно запоставена во децениите на комунистичкиот режим.
Анастасиос, кој беше архиепископ на Тирана, Драч и на цела Албанија и исто така поглавар на Автокефалната православна црква на Албанија, почина на 25 јануари во Атина. Тој имаше 95 години.
Сите форми на религија беа забранети во Албанија 23 години од 1967 година, кога земјата беше целосно изолирана од надворешниот свет. Комунистите го експроприраа и имотот на воспоставените исламски, православни, католички и други религии. Анастасиос ја водеше црквата откако ја обнови во 1991 година.
Анастасиос беше фален за обновата на црквата од темел, изградбата на стотици цркви, основањето образовни и добротворни институции и образованието на новата генерација свештенство.
Според пописот од 2023 година, православните христијани во Албанија сочинуваат околу 7 отсто од 2,4 милиони жители на земјата, иако црквата вели дека реалниот број е поголем. Половина од населението на малата земја од Западен Балкан се идентификува како муслиманско, а православните и католичките христијани сочинуваат голем дел од остатокот.
Слични новости
Зеленски: Украина „целосно конструктивна“ во разговорите со американските претставници
Претседателот Володимир Зеленски рече дека позицијата на Украина на разговорите во Саудиска Арабија со американските претставници во вторник ќе биде „целосно конструктивна“ и дека се надева на практични исходи од преговорите за ставање крај на руската војна во неговата земја
САД укинуваат 83 отсто од проектите за меѓународна помош финансирани од УСАИД
Американскиот државен секретар Марко Рубио детално го опиша големото скратување на проектите управувани од меѓународната агенција за развој УСАИД
Сирија: SDF предводени од Курдите ќе се интегрираат во државните институции
Сириските демократски сили (SDF) предводени од Курдите, поддржани од САД, кои контролираат голем дел од североисточниот дел на Сирија, богат со нафта, потпишаа договор со кој се согласуваат да се интегрираат во новите државни институции предвоени од шеријатските власти, соопшти во понеделникот сириското претседателство