Денеска, во просториите на Центарот за трансфер на технологии и иновации – ИННОФЕИТ, беше свечено отворен ИННОФЕИТ ЕДИХ, првиот Европски дигитален иновациски хаб во Република Македонија.
На настанот во коорганизација на ЕДИХ и Министерството за дигитална трансформација, присуствуваа министерката за образование и наука Весна Јаневска, високи претставници од Владата, академијата и бизнис секторот.
Министерот за дигитална трансформација, Стефан Андоновски, во својот говор ја истакна важноста на овој проект за унапредување на дигиталната конкурентност на земјата. „ИННОФЕИТ ЕДИХ е првиот ваков Хаб во земјата, поддржан со 60 милиони денари од Владата во наредните 3 години. Тоа јасно покажува дека оваа Влада е посветена на проекти кои ја унапредуваат дигитализацијата и иновациите во нашата земја. ИННОФЕИТ ЕДИХ ќе претставува мост кој ги поврзува најновите технолошки достигнувања со реалните потреби на нашите компании, особено малите и средните претпријатија, како и јавниот сектор,“ изјави министерот Андоновски.
Хабот е кофинансиран од Европската Унија преку програмата „Дигитална Европа“ и Владата на Република Македонија. Неговата цел е да го трансформира македонскиот иновациски екосистем и да ја зголемиконкурентноста на малите и средни претпријатија, како и на јавниот сектор.
„Воспоставувањето на овој Хаб е во целосна синергија со Дигиталната агенда на Европската Унија и нејзината визија за Дигитална деценија до 2030 година. Нашата цел е да придонесеме кон амбициозните европски таргети – 75% од компаниите во ЕУ да користат облак технологии, вештачка интелигенција и големи бази на податоци, како и 90% од малите и средни претпријатија да достигнат барем основно ниво на дигитална зрелост. Економскиот момент во кој го лансираме овој Хаб е исклучително важен. Според истражувањата, дигиталната трансформација може да донесе дополнителни 2,8 трилиони евра во бруто додадена вредност на економијата на ЕУ, што е еквивалентно на речиси 21% од сегашната економија на Унијата.“ потенцираше Андоновски.
Настанот вклучи панел-дискусија на тема „Улогата на Европските дигитални иновациски хабови во дигиталната трансформација на општеството“.
Министерот Андоновски потенцираше дека ваквите хабови се само почеток: „Нашата цел е да воспоставиме мрежа на ваков вид центри од различна големина и профил низ целата земја. Тие ќе обезбедат пошироко географско покривање и ќе создадат нови можности за компаниите и младите.“
ИНОФЕИТ ЕДИХ е воден од Универзитетот „Св. Кирил и Методиј“ во Скопје во соработка со други универзитети, стопански комори и водечки ИКТ компании. Оваа иницијатива ќе биде важна алатка за забрзување на дигиталната трансформација во земјата и регионот.
Слични новости
Божиновска и грчката амбасадорка Филипиду разговараа за гасниот интерконектор и енергетскиот пазар
Министерката за енергетика, рударство и минерални суровини Сања Божиновска, денеска имаше работна средба со амбасадорката на Република Грција, Софија Филипиду. Се разговараше за продлабочување на билатералната соработка во енергетскиот сектор, со посебен акцент на проектите од регионално значење, соопшти Министерството за енергетика, рударство и минерални суровини.
Андоновски: Со закон ги забрануваме нелегалните онлајн игри на среќа
Министерот за дигитална трансформација, Стефан Андоновски, во „Студио 10” на Телевизија 24, говореше за новите измени на законот за Елктронски комуникации во кој е предвидено да се забранат нелегалните онлајн игри на среќа.
Бешлиовска: Бараме итно вработување на медицинските лица кои со години работат без здравствено и пензиско осигурување
Бараме итно вработување на медицинските лица кои со години работат без здравствено и пензиско осигурување, изјави денеска на прес-конференција, Гордана Бешлиовска, претседател на Унијата што ја предводи Здружението на медицински сестри, техничари, акушерки и стоматолошки сестри „За нас“