Отворена е кривична истрага против Сара Нетанјаху, сопругата на израелскиот премиер, објави во неделата израелското државно обвинителство како одговор на опозицискиот пратеник кој побара кривично гонење против сопругата на Бенјамин Нетанјаху.
Канцеларијата на јавниот обвинител не појаснува каква истрага се води против Сара Нетанјаху, која моментално се наоѓа во САД. Но, пратеничката Наама Лазими ја обвинува дека се обидела да заплаши сведок во судскиот процес за корупција против нејзиниот сопруг.
Истрагата беше отворена на 26 декември, а ја спроведува израелската полиција и одделот за сајбер криминал на Јавното обвинителство.
Следеше по извештајот на програмата „Uvdа“ на телевизискиот Channel 12 дека Сара Нетанјаху ѝ наредила на Хана Блајвајс, покојната помошничка на нејзиниот сопруг, да организира протести и онлајн кампања против Хадас Клајн, клучен сведок во еден од случаите во кои му се судеше на премиерот.
Јавниот обвинител Гали Бахарав-Мијара и државниот обвинител Амит Аисман на 26 декември објавија дека наредиле истрага за осомничени за манипулации и попречување на правдата на сведоците, по извештајот во емисијата „Uvda“.
„Добивањето на официјалното соопштение од Канцеларијата на јавниот обвинител во врска со отворањето на кривична истрага против Сара, сопругата на премиерот Нетанјаху, е важно за парламентарниот надзор, судскиот систем и владеењето на правото“, вели Лазими во одговорот до државниот обвринител и за Сара вели дека е „осудуван престпаник“.
Обвинението за проневера и нарушување на довербата ќе донесе многу построга казна. На овој начин била казнета со 2.500 евра, а на државата мораше да ѝ врати 11.000 евра.
Слични новости
Оштетувањето на кабелот меѓу Шведска и Латвија не е саботажа
Прекинот на подводниот кабел со оптички влакна меѓу Латвија и Шведска на 26 јануари не е саботажа, објави во понеделникот шведскиот обвинител задолжен за случајот, со што ја поништи заплената на осомничениот брод
Вработените во FBI мора да ги откријат своите улоги во истрагите за нападот на Капитол
Вработените во американското Федерално биро за истраги (FBI) во неделата добиле наредба да одговорат на прашалникот за секоја активност што можеби ги вршеле во однос за кривичните случаи поврзани со упадот на вашингтонски Капитол на 6 јануари 2021 година
Европа предупредува на економски штети од трансатлантската трговска војна
Високата претставничка за надворешна политика на Европската унија, Каја Калас, рече дека ако САД и Европа започнат трговска војна, „тогаш таа што се смее отсрана е Кина“