„Oсумте пациенти кои вчера пристигнаа во Србија имаат изгореници на респираторниот тракт и се во животна опасност, а троцја од нив се интубирани“, изјави денеска Милан Стојичиќ, директор на Клиниката за пластична и реконструктивна хирургија при Клиничкиот центар на Србија.
Тој рече дека изгорениците зафатиле до 25 отсто од нивните тела, а од осумте транспортирани, седум биле примени „под услови на операциона сала“.
„Тие се згрижени, стабилни се, а лекувањето продолжува, за што секако ќе биде потребно време“, додаде Стојичиќ.
„Општата состојба на осмиот пациент кој беше примен на респитар е се уште сериозна“, нагласи директорот на Клиниката за пластична и реконструктивна хирургија на Клиничкиот центар на Србија.
Во Србија 29 тешко повредени лица се згрижени и се наоѓаат во четири здравствени домови – Воената болница и Клинички центар во Ниш, Воено-медицинската академија во Белград и Ургентниот центар на Клиничкиот центар на Србија.
Слични новости
Системски промени, правда и одговорност, побараа учесниците на вечерашниот протестен марш
Ова не е борба меѓу вас и нас, ова не е борба меѓу партии, ова е борба меѓу чесните и корумпираните. Сакаме системски промени, суштински, а не козметички и додека тие ги полнат своите џебови, ние ќе ги полниме улиците и ќе продолжиме да ги полниме се додека не видиме вистинска промена, е пораката од вечерашниот протестен марш што го организираше граѓанското движење „Кој е следен?“
Свирежи до Владата и Собранието, 16-минутен молк за жртвите од трагедијата во Кочани
„Правда“, „Убијци“, „Не се плашиме“, „Уа профитери“, „Одговорност“, „Нема правда, нема мир“, „Ние сме системот“, „Цела Влада оставка“, се само некои од пораките што вечерва ги упатија учесниците на протестот за настраданите во пожарот во Кочани, кои веќе пристигнаа пред Владата.
„Кој е следен“: Не сме поврзани со ниту една партија, сакаме да живееме во безбедна држава
Ние сме граѓанска иницијатива, не сме поврзани со ниту една политичка партија. Многу е битно да се разграничи партизирање од политизирање. Ние сме активни граѓани, сакаме да останеме тука, да живееме во Македонија, но да е безбедно, бараме одговорност, безбедност и транспарентност и затоа протестираме, изјави Милена Јаневска од граѓанското движење „Кој е следен?“ пред маршот што треба да почне вечерва во 19:00 часот од плоштадот „Македонија“.