На Волстрит во четвртокот берзанските индекси забележаа најголем дневен пад во повеќе од еден месец, што е главно резултат на остриот пад на цените на акциите на „Nvidia“ и голем број други големи технолошки компании.
Индекост Dow Jones се лизна за 1,65 отсто, на 47.457 поени, додека S&P 500 потона за 1,66 отстои, на 6.737 поени, а индексот Nasdaq за 2,29 отсто, на 22.870 поени.
Технолошкиот сектор беше под најголем притисок вчера, што се случуваше често последните седмици, бидејќи инвеститорите стравуваат дека цените на акциите во тој сектор се превисоки.
Овој сектор расте силно долго време, благодарение на еуфоријата околу развојот на вештачката интелигенција, но сега некои инвеститори веруваат дека цените на технолошките акции се преценети, па затоа го префрлаат капиталот од него во други сектори.
Вчера акциите на „Nvidia“, „Broadcom“ и „Tesla“, меѓу другите компании, изгубија меѓу 3,6 и 6,6 отсто.
„Постои голема неизвесност во врска со состојбата на американската економија. Минуваме низ мала корекција на пазарот во секторот за вештачка интелигенција, а исто така гледаме и ротација на капиталот на пазарот“, коментирапе Питер Кардиљо, економист во компанијата „Spartan Capital Securities“.
Пазарот е негативно погоден и од неизвесноста околу каматните стапки. До неодамна, инвеститорите беа уверени дека американската централна банка Федералните резерви (Fed) дополнително ќе ги намали каматните стапки за 0,25 отстотни поени на состанокот во декември.
Сепак, ова станува сè помалку сигурно, бидејќи многу челници на Федералните резерви претпазливо велат дека инфлацијата е сè уште далеку над целното ниво од околу 2 отсто.
А како точно се движи инфлацијата во САД е непознато, исто како што другите економски индикатори не беа познати последните седмици, бидејќи федералните служби не работеа од почетокот на октомври.
Тие повторно се отворија вчера по рекордно 43-дневно затворање, а се очекува објавувањето на официјалните економски податоци да се нормализира во наредните недели.
„Фундаменталното прашање е дали инфлацијата зголемена од зголемувањето на царините е привремена и еднократна. Затоа претставниците на Фед не се сигурни за понатамошно намалување на каматните стапки“, објаснува Џејк Долархајд, аналитичар во компанијата „Longbow Asset Management“.
Европските берзи, исто така, паднаа вчера. Лондонскиот индекс FTSE падна за 1,05 отсто на 9.807 поени, додека франкфуртскиот DAX ослабе за 1,39 отсто на 24.041 поен, а парискиот CAC загуби 0,11 отсто на 8.232 поени.
Слични новости
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации