Шефот на швајцарската организација за право на смрт Dignatis почина со потпомогнато самоубиство, соопшти групата во неделата.
Лудвиг Минели, кој ја основа групата во 1998 година, починал во саботата само неколку дена пред својот 93-ти роденден, соопшти организацијата, додавајќи дека тој „ќе продолжи да го води и развива здружението во духот во кој го основал нејзиниот основач – како професионална меѓународна организација за самоопределување и слобода на избор и во животот и на крајот од животот“.
Минели, адвокат по професија, се соочи со бројни правни предизвици и поднесе неколку успешни жалби до Врховниот суд на Швајцарија и Европскиот суд за човекови права (ЕСЧП).
Груптата Dignitas изјави дека нивната работа имала трајно влијание врз швајцарското право, посочувајќи на пресудата на ЕСЧП од 2011 година со која се признава правото на поединецот сам да одлучи како и кога да го заврши својот живот.
Швајцарскиот закон не дозволува евтаназија, во која лекар или друго лице му дава смртоносна инјекција на пациентот.
За разлика од евтаназијата, потпомогнатото или асистираното самоубиство, што значи дека лицето кое изразило желба да го заврши својот живот самото извршува самоубиство, е легално со децении но под два услова. Не смее да има никаква полза за лицето кое помага во самоубиството и пациентот мора свесно да ја донесе одлуката.
Швајцарските лекари потпишуваат смртоносен коктел ако лицето е терминално болно, страда од неподнослива болка или драстично намален квалитет на живот што му предизвикува големо страдање. Пациентот мора да биде во можност самиот да ја земе смртоносната доза.
За разлика од слични организации во Швајцарија, Dignitas, која, според сопствените податоци, има повеќе од 10.000 членови, ги нуди своите услуги и на луѓе кои живеат надвор од земјата.
Слични новости
Гиљермо дел Торо добитник на наградата на Британскиот филмски институт
Наградата BFI Fellowship, претхдно ја добија славните режисери Орсон Велс, Мартин Скорцесе и Акира Куросава.
„Зимското јајце“ на Фаберже продадено за рекордни 30,2 милиони долари
„Зимското јајце“ кое се смета за една од најубавите креации на Фаберже беше купено од анонимен купувач, соопшти аукциската куќа Кристи, пренесува Би Би Си. Јајцето е украсено со 4.500 дијаманти, а го нарача царот Николај Втори 1913 како божиќен поклон за својата мајка царицата Марија Фјодоровна.
50 години од легендарната песна „Боемска рапсодија“ на Квин
Пред точно половина век, есента во 1975 британската рок група „Queen“ го објави својот четврти студиски албум A night at the Opera, a шестминутната необична композиција „Bohemian rhapsody“ беше избрана за водечки сингл на албумот.