Шпанскиот фудбалски тим од првата лига Осасуна на секое новороденче во регионот Навара ќе му подри клупски дрес, шорцеви, кадифена играчка, сликовница и 50 евра.
Во Навара, која има население од 685.000 жители, секое бебе родено по Нова година има право на пакетот.
„Осасуна е суштински дел од идентитетот на Навара. Со оваа иницијатива, сакаме девојчињата и момчињата родени тука да се чувствуваат поврзани со Осасуна од првиот ден, со она што нашите бои и вредности го претставуваат“, рече претседателот на клубот Луис Сабалза во северната шпанска покраина.
Гестот, наречен „Осасунисти од колепката“, е финансиран од спонзорите на клубот.
За да го добијат пакетот, родителите мора да поднесат барање на официјалната веб-страница на клубот. Децата родени во Универзитетската болница во Навара можат да го добијат пакетот таму, додека оние родени во други болници можат, при аплицирање, да побараат да го подигнат од канцеларијата на Фондацијата Осасуна на стадионот Ел Садар или од која било филијала на банката Каха Рурал.
Осасуна, која е 12-та меѓу 20-те клуба во шпанското првенство, е најпопуларниот клуб во регионот со силен баскиски идентитет.
Фондацијата на клубот соработува со училиштата со години на разни социјални активности низ Навара, а сега презеде чекор за проширување на членството од раѓање до жителите таму.
Слични новости
Шон Пен осви трет Оскар со што стана дел од актерската елита заедно со Џек Николсон и Даниел Деј Луис
Шон Пен го освои Оскарот во многу силна конкуренција, затоа што извонредни улоги имаа и Бенисио дел Торо, Стелан Скарсгард во „Сентиментална вредност“ и Џејкоб Елорди во „Франкештајн“.
Гламурозното шоу Оскарите спектакл без ниту едно изненадување
Вечерта на Оскарите мина без изненадувања. Фаворитот „Една битка по друга“ освои шест Оскари меѓу кои и за филм на годината и режија. „Грешници“ кој имаше дури 16 номинации, освои вкупно 4 Оскари.
Доминација на Пол Томас Андерсон и неговиот филм „Една битка по друга„ на доделувањето на најзначајните филмски награди Оскарите
„Една битка по друга“ субверзивниот политички трилер на Пол Томас Андерсон е апсолутен победник на вечерта на Оскарите. Филмот го освои најзначајниот Оскар за филм на годината, а режисерот Пол Томас Андресон ги освои Оскарите за најдобра режија и најдобро адаптирано сценарио.