Државниот завод за ревизија (ДЗР) утврди дека единиците на локалната самоуправа не ги користат целосно своите фискални капацитети, што резултирало со речиси три милијарди денари ненаплатени побарувања од даноци, такси и надоместоци во периодот од 2020 до 2024 година.
Според ревизорскиот извештај, причините се слабости во регулативата, застарени методологии, нецелосни регистри, недоволни човечки ресурси и несоодветни софтверски решенија. Особено е посочено дека голем дел од долговите за данок на имот се постари од пет години, што укажува на недоволна наплата од општините.
Од ДЗР препорачуваат преземање мерки за подобрување на системот на локални приходи, ажурирање на регистрите, зајакнување на административните капацитети и поефикасно следење на обврзниците со цел поголема финансиска стабилност.
Слични новости
„Фич“ го потврди кредитниот рејтинг на Македонија ББ+
Агенцијата за кредитен рејтинг „Фич” го потврди кредитниот рејтинг на земјава на ниво „ББ+” со стабилен изглед, препознавајќи ги позитивните перспективи за економски раст, силната инвестициска активност и реформскиот процес поврзан со пристапувањето кон Европската Унија, соопшти Министерството за финансии.
ВМРО-ДПМНЕ бара од Обвинителството да истражи зошто биле исплатени 4,6 милиони евра во провизии за железничкиот коридор
Државата платила 4,6 милиони евра провизии за неповлечени средства додека проектот за железничкиот Коридор 8 со години стои незавршен, обвинуваат од ВМРО-ДПМНЕ повикувајќи се на наодите од Државниот завод за ревизија .
Загина фудбалерот Даниел Николовски
Во раните утрински часови денеска, во сообраќајна несреќа, животот го загуби младиот фудбалер Даниел Николовски (21). Николовски бил дел од младинските категории на Тетекс, а љубовта кон клубот ја продолжил и во сениорскиот тим.