ОН повлекуваат третина од меѓународниот персонал од Газа

Обединетите нации повлекуваат околу една третина од својот меѓународен персонал од Појасот Газа по нападите врз работниците на светската организација во палестинската енклава која е под израелската одмазничка инвазија од ланскиот октомври, изјави во понеделникот портпаролот.

Генералниот секретар на ОН, Антонио Гутереш, „донесе тешка одлука“ да го намали бројот на персоналот на ОН во Газа, изјави портпаролот Стефан Дужарик во Њујорк. Нагласи дека ОН не ја напуштаат целосно Газа.

„Остануваме посветени да продолжиме да обезбедуваме помош од која зависи опстанокот на цивилите и нивната заштита“, рече тој.

Околу 30 од сегашните 100 меѓународни членови на персоналот засега ќе го напуштат регионот, објасни портпаролот на Гутереш. Преостанатиот персонал и повеќе од 10.000 палестински вработени во Агенцијата на ОН за помош и работа со палестинските бегалци (UNRWA) ќе продолжат со својата работа, додаде.

Дујарик, исто така, рече дека израелски тенк стои зад минатонеделниот напад во кој загина еден бугарски државјанин вработен во ОН, а беа повредени уште шест меѓународен персонал. ОН повикаа на истрага.

„Израелците точно знаеја каде се наоѓа тој објект на ОН и беше погоден од граната од еден од нивните тенкови“, рече Дужарик.

Израел ги негираше извештаите дека ги погодил зградите на ОН и ги повика медиумите да бидат „претпазливи со непотврдени извештаи“.

globe

Слични новости

Осумнаесет загинати во еден од најтешките пожари во Јужна Кореја

Осумнаесет загинати во еден од најтешките пожари во Јужна Кореја

Осумнаесет лица загинаа во серија шумски пожари, меѓу најголемите во историјата на Јужна Кореја, кои предизвикаа „невидена штета“ и ги надминаа сите прогнозирани модели, изјави во средата привремениот претседател Хан Дак-Су